ଭୁବନେଶ୍ୱର: କଳିଙ୍ଗ ଷ୍ଟାଡିୟମରେ ଚାଲିଥିବା ୬୨ତମ ଜାତୀୟ ଅନ୍ତଃରାଜ୍ୟ ଦୌଡ଼କୁଦ ପ୍ରତିଯୋଗିତାର ଦ୍ବିତୀୟ ଦିବସରେ ଓଡ଼ିଆ ଧାବିକା ଶ୍ରାବଣୀ ନନ୍ଦ ରୌପ୍ୟ ପଦକ ଅର୍ଜନ କରିଛନ୍ତି। ଶୁକ୍ରବାରର ସନ୍ଧ୍ୟା ଅଭ୍ୟାସ କରୁଥିବା ଦୁଇ ତାରକା ଶ୍ରାବଣୀ ଓ ଆନ୍ଧ୍ରପ୍ରଦେଶର ଜ୍ୟୋତି ୟାରିଜିଙ୍କ ମଧ୍ୟରେ ୧୦୦ ମିଟର ଦୌଡ଼ରେ ଏକ ରୋମାଞ୍ଚକର ଯୁଦ୍ଧ ଦେଖିବାକୁ ମିଳିଥିଲା। ଏଥିରେ ଜ୍ୟୋତି (୧୧.୪୬ ସେକେଣ୍ଡ) ସ୍ବର୍ଣ୍ଣ ଜିତିଥିଲା ବେଳେ ଶ୍ରାବଣୀ (୧୧.୫୯) ରୌପ୍ୟରେ ସନ୍ତୁଷ୍ଟ ରହିଥିଲେ। ୪୦୦ ମିଟର ଦୌଡ଼ରେ କେରଳର ମହମ୍ମଦ ଆନସ (୪୫.୭୬)ଙ୍କୁ ପଛରେ ପକାଇ ଶ୍ରୀଲଙ୍କାର କଳିଙ୍ଗ କୁମାରାଗେ (୧୦.୬୪) ସ୍ବର୍ଣ୍ଣ ପଦକ ଜିତିଥିଲେ। ମହିଳାରେ ହରିୟାଣାର ଅଞ୍ଜଳି ଦେବୀ (୫୧.୪୮) ଚଳିତ ଋତୁର ଶ୍ରେଷ୍ଠ ସମୟ ସହ ସ୍ବର୍ଣ୍ଣ ଜିତିଥିଲେ। ୪୦୦ ମିଟର ଉଭୟ ପୁରୁଷ ଓ ମହିଳା ଇଭେଣ୍ଟର ଶୀର୍ଷ ୪ ଜଣ ଏସୀୟ କ୍ରୀଡ଼ା ମାନଦଣ୍ଡ ଡେଇଁଥିଲେ। ମହିଳା ୧୫୦୦ ମିଟରରେ ପ୍ରମୁଖ ପଦକ ଦାବିଦାର ପଞ୍ଜାବର ହମିର୍ଲାନ ବେନ୍ସଙ୍କୁ ପଛରେ ପକାଇ ମଧ୍ୟପ୍ରଦେଶର କେଏମ୍ ଦୀକ୍ଷା ସ୍ବର୍ଣ୍ଣ ଜିତିଥିଲେ।ଜ୍ଝ ମୁଁ ଜୁନ୍ ପର୍ୟ୍ୟନ୍ତ ପ୍ରତିଯୋଗୀତା କରିଥିବା ପ୍ରତ୍ୟେକ ପ୍ରତିଯୋଗିତା ସହିତ ମୋର ସମୟକୁ ଉନ୍ନତ କରୁଛି ବୋଲି ମହମ୍ମଦ ଅନାସ କହିଛନ୍ତି ଯେ ବ୍ୟାଙ୍କକକ୍ରେ ଜୁଲାଇ ୧୨ ରୁ ୧୬ ଏସୀୟ ଆଥଲେଟିକ୍ସ ଚାମ୍ପିଅନସିପରେ ମୋର ସମୟକୁ ଆହୁରି ଉନ୍ନତ କରିବାକୁ ମୁଁ ଆଶା କରୁଛି ବୋଲି ସେ କହିଛନ୍ତି।