(ମମତା ସାମଲ)ରିପୋର୍ଟସଟୁଡେ: ଉତ୍ତରପ୍ରଦେଶର ସୀତାପୁରରେ ଏକ ଫ୍ୟାକ୍ଟ୍ରୀରେ ଗ୍ୟାସ ଲିକ୍ ହେବା କାରଣରୁ ଭୟାନକ ଦୁର୍ଘଟଣା ଘଟିଛି । ଏଥିରେ ୭ଜଣ ଶ୍ରମିକଙ୍କ ମୃତ୍ୟୁ ଘଟିଛି । ଗ୍ୟାସ୍ ଲିକ୍ ହେବା ପରେ ଜିଲ୍ଲା ପ୍ରଶାସନ ଏବଂ ପୋଲିସ ଘଟଣାସ୍ଥଳରେ ପହଁଚି ଉଦ୍ଧାର କାର୍ୟ୍ୟ କରିଛନ୍ତି।
ପ୍ରାଥମିକ ସୂଚନା ଅନୁଯାୟୀ, ଆଜି ସକାଳ ୮ଟାରେ ସୀତାପୁର କୋତବାଲି ଅଞ୍ଚଳରେ ଜଲାଲପୁରର ଏକ ଫ୍ୟାକ୍ଟ୍ରୀରେ ଗ୍ୟାସ୍ ଲିକ୍ ହୋଇଥିଲା। ଫଳରେ ଫ୍ୟାକ୍ଟ୍ରୀରେ କାମ କରୁଥିବା ଶ୍ରମିକଙ୍କ ମଧ୍ୟରୁ ୭ ଜଣ ଶ୍ଵାସରୁଦ୍ଧ ହୋଇ ପ୍ରାଣ ହରାଇଛନ୍ତି। ତେବେ ମୃତକଙ୍କ ମଧ୍ୟରୁ ଗୋଟିଏ ପରିବାରର ୫ ଜଣ ସଦସ୍ୟ ଅଛନ୍ତି। ଅନ୍ୟ ୨ ଜଣ ମୃତକ ଅନ୍ୟ ସ୍ଥାନରୁ ଥିବା ଜଣା ପଡ଼ିଛି।
