ଭୁବନେଶ୍ୱର: ଗିରଫ ହେଲେ ସୋସିଆଲ ମିଡିଆର ରୋଷ୍ଟେଡ ଇନଫ୍ଲୁଏଞ୍ଜର ପ୍ରକାଶ ନାୟକ । ମାହଙ୍ଗା ପଡ଼ିଲା ଫେସବୁକରେ ମହିଳାଙ୍କ ଚରିତ୍ର ସଂହାର। ସୂଚନା ଅନୁଯାୟୀ ଗତ ୧୨ ତାରିଖରେ ଚନ୍ଦ୍ରଶେଖରପୁର ଅଞ୍ଚଳର ଜଣେ ମହିଳା ନିଜର ବ୍ୟକ୍ତିଗତ ବିଷୟ ନେଇ ଏକ ଭିଡିଓ ମେସେଜ ସୋସିଆଲ ମିଡିଆରେ ପୋଷ୍ଟ କରିଥିଲେ। ଗୁରୁବାର ଅପରାହ୍ନରେ ସେ ଜାଣିବାକୁ ପାଇଲେ ଯେ ସୋସିଆଲ ଟକ ନାମକ ଫେସବୁକ୍ ଆକାଉଣ୍ଟରେ ତାଙ୍କ ଭିଡିଓକୁ ପ୍ରକାଶ ଟ୍ୟାଗ କରି ବହୁତ୍ ଅପମାନଜନକ ମନ୍ତବ୍ୟ ଦେଇଛନ୍ତି। ଏହି ଭିଡିଓରେ ପ୍ରକାଶ ଷଡ଼ଯନ୍ତ୍ର କରି ଉଦ୍ଦେଶ୍ୟମୂଳକ ଭାବରେ ତାଙ୍କ ଚରିତ୍ର ସଂହାର କରିବା ଭଳି ଅଶାଳୀନ ମନ୍ତବ୍ୟମାନ ଦେଇଥିଲେ। ମହିଳାଜଣକ ଗୁରୁବାର ଚନ୍ଦ୍ରଶେଖରପୁର ଥାନାରେ ଏ ନେଇ ଅଭିଯୋଗ କରିଥିଲେ। ପୋଲିସ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଛି। IPC ୫୦୬, ୩୫୪ ଏବଂ ୫୦୯ ଆଇଟି ଆକ୍ଟ ସେକ୍ସନ ୬୬(ଉ) ଏବଂ ୬୭ ଆଧାରରେ ଗିରଫ କରାଯାଇଛି । ପୋଲିସ ଗତକାଲି ପ୍ରକାଶକୁ ଗିରଫ କରି କୋର୍ଟ ଚାଲାଣ କରିଛି।
