ମୟୂରଭଞ୍ଜ: ଅଜଣା ଗାଡି ଧକ୍କାରେ ଜଣେ ମୃତ, ଦୁଇ ଆହତ ।ଏପରି ଘଟଣା ସାମ୍ନାକୁ ଆସିଛି ମୟୂରଭଞ୍ଜ ଜିଲ୍ଲାରୁ କରଞ୍ଜିଆ ଥାନା ଅନ୍ତର୍ଗତ ୨୨୦ନମ୍ବର ଜାତୀୟ ରାଜପଥର କୁରୁଳିଆ ପେଟ୍ରୋଲ ପମ୍ପନିକଟରୁ। ଗତକାଲି ବିଳମ୍ବିତ ରାତିରେ ନିଜ ଚିକିତ୍ସାଧୀନ ମାଙ୍କୁ କରଞ୍ଜିଆ ଉପଖଣ୍ଡ ଚିକିତ୍ସାଲୟକୁ ଦେଖିବା ପାଇଁ ବାଇକ ଯୋଗେ ଦୁଇ ଜଣ ବ୍ୟକ୍ତି ଆସୁଥିବା ବେଳେ ବିପରୀତ ଦିଗରୁ ଏକ ବାଇକ ସହିତ ବାଇକ ର ଧକ୍କା ହଇଥିଲା ,ଧକା ହେବା ଫଳରେ ବାଇକରେ ବସିଥିବା ବନମାଳୀ ତୁଙ୍ଗ ନାମକ ଜୈନକ ବ୍ୟକ୍ତିଙ୍କ ଉପରେ ଏକ ଅଜଣା ଟ୍ରଲର ଚଢ଼ିଯିବା ଯୋଗୁଁ ଘଟଣା ସ୍ଥଳରେ ହିଁ ତାଙ୍କର ମୃତ୍ୟୁ ହଇଥିବା ବେଳେ ଅନ୍ୟ ଦୁଇ ଜଣ ବାଇକ ଆରୋହୀ ଆହତ ହୋଇ କରଞ୍ଜିଆ ଉପଖଣ୍ଡ ଚିକିତ୍ସାଲୟରେ ଚିକିତ୍ସିତ ହେଉଛନ୍ତି।ଏଇ ଘଟଣାକୁ ନେଇ ଘଟଣା ସ୍ଥଳରେ ଚାପା ଉତେଜନା ଦେଖା ଦେଇଥିବା ବେଳେ ଉତ୍ତ୍ୟକ୍ତ ଲୋକେ ୨୨୦ନମ୍ବର ଜାତୀୟ ରାଜପଥ କୁ ଅବରୋଧ କରି ରଖିଛନ୍ତି । ଘଟଣା ସ୍ଥଳରେ କରଞ୍ଜିଆ ପୋଲିସ ପହଞ୍ଚି ଲୋକଙ୍କୁ ବୁଝସୁଝା କରୁଥିଲେ ବି ଲୋକେ କ୍ଷତି ପୂରଣ ଦାବୀରେ ରାସ୍ତା ଅବରୋଧ କରିଛନ୍ତି । ଅନ୍ୟପଟେ ଦୁର୍ଘଟଣା ଘଟାଇ ଟ୍ରଲରଟି ଖସି ଯାଉଥିବା ବେଳେ ୪୯ନମ୍ବର ଜାତୀୟ ରାଜପଥ ର ଟଙ୍ଗାବିଲା ନିକଟରୁ ଲୋକେ ଗାଡିକୁ ଅଟକ ରଖିଥିବା ସୂଚନା ।
