( ଓମ୍ ପ୍ରକାଶ ମିଶ୍ର / ସୋନପୁର): ସୋନପୁରରେ ପୋଲିସ ଜଣେ ବ୍ୟକ୍ତଙ୍କ କ୍ଷତବିକ୍ଷତ ମୃତଦେହ ଠାବ କରିଛି । ଛୁରୀ ଭୁସି ହତ୍ୟା କରାଯାଇଥିବା ସନ୍ଦେହ କରି ପୋଲିସ ଘଟଣାର ତଦନ୍ତ କରୁଛି ।
ସୋନପୁର ଥାନା କଳାପଥର ଗାଁ ନିକଟରେ ଥିବା ଜଙ୍ଗଲରେ ଜଣେ ବ୍ୟକ୍ତିଙ୍କ ରକ୍ତାକ୍ତ ମୃତଦେହ ପଡି଼ଥିଲା । ପୋଲିସ ଘଟଣାସ୍ଥଳରେ ପହଂଚି ମୃତଦେହ ଠାବ କରିଛି । ମୃତକ ଜଣକ କଳାପଥର ପୋଷ୍ଟ ଅଫିସରେ କାର୍ୟ୍ୟ କରୁଥିବା ଶତ୍ରୁଘ୍ନ ଷଣ୍ଢ ବୋଲି ଜଣାପଡ଼ିଛି । ଛୁରୀ ଭୁସି ପୋଷ୍ଟମ୍ୟାନଙ୍କୁ ହତ୍ୟା କରାଯାଇଥିବା ସନ୍ଦେହ କରାଯାଉଛି । ମୃତଦେହକୁ ବ୍ୟବଚ୍ଛେଦ ପାଇଁ ପଠାଯାଇଛି । ଏହି ଘଟଣାରେ ପୋଲିସ ଅଧିକ ତଥ୍ୟ ପାଇଁ ତନାଘନା ଆରମ୍ଭ କରିଛି ।