ସୁନିତା ୱିଲିୟମ୍ସ, ବୁଚ୍ ୱିଲମୋର୍, ଆଲେକଜାଣ୍ଡାର ଗୋର୍ବୁନୋଭ୍ ଏବଂ ନିକ୍ ହେଗ୍ ପୃଥିବୀକୁ ଫେରି ଆସିଛନ୍ତି। ଏଲୋନ ମସ୍କଙ୍କ କମ୍ପାନୀ ସ୍ପେସଏକ୍ସର ଡ୍ରାଗନ ଫ୍ରିଡମ କ୍ୟାପସୁଲ ଦ୍ୱାରା ସେ ସମସ୍ତଙ୍କୁ ଫେରାଇ ଅଣାଯାଇଛି। ତେବେ ସୁନିତାଙ୍କୁ ମହାକାଶରୁ ପୃଥିବୀ ପୃଷ୍ଠକୁ ଫେରାଇ ଆଣିଥିବା ଏଲୋନ ମସ୍କଙ୍କ କମ୍ପାନୀ ସ୍ପେସଏକ୍ସର ଡ୍ରାଗନ କ୍ୟାପସୁଲର ବିଷୟରେ ଆପଣ ଜାଣିଛନ୍ତି କି? ଆସନ୍ତୁ ଜାଣିବା ଡ୍ରାଗନ କ୍ୟାପସୁଲର କ୍ଷମତା ଓ ମୁଲ୍ୟ ବିଷୟରେ ।
ସ୍ପେସଏକ୍ସର ଡ୍ରାଗନ ଫ୍ରିଡମ କ୍ୟାପସୁଲ ନିର୍ମାଣ ହେବା ପରଠାରୁ ଏପର୍ୟ୍ୟନ୍ତ ୪୯ ଥର ଉତକ୍ଷେପଣ କରାଯାଇଛି। ଡ୍ରାଗନ୍ କ୍ୟାପସୁଲ୍ ୪୪ ଥର ଅନ୍ତର୍ଜାତୀୟ ମହାକାଶ ଷ୍ଟେସନକୁ ଯାତ୍ରା କରିଛି। ଚାରି ଜଣ ମହାକାଶଚାରୀଙ୍କୁ ଫେରାଇ ଆଣିବା ପାଇଁ ନାସା ସ୍ପେସଏକ୍ସର ଡ୍ରାଗନ କ୍ରୁ କ୍ୟାପସୁଲକୁ ବାଛିଥିଲା । ଏହି କ୍ୟାପସୁଲରେ ଏକାଥରେ ସାତ ଜଣ ମହାକାଶଚାରୀ ବସିପାରିବେ।
ଏହି ଖାଲି କ୍ୟାପସୁଲର ଓଜନ ୭୭୦୦ କିଲୋଗ୍ରାମ। ଏହି କାର୍ଗୋ ଏବଂ ମହାକାଶଚାରୀମାନଙ୍କ ସହିତ ଉତକ୍ଷେପଣ କରାଯିବା ସମୟରେ, ଏହାର ସର୍ବାଧିକ ଓଜନ ୧୨,୫୦୦ କିଲୋଗ୍ରାମ ପର୍ୟ୍ୟନ୍ତ ପହଞ୍ଚିଥାଏ। ସାଧାରଣତଃ ଏହି କ୍ୟାପସୁଲରେ ଦୁଇରୁ ଚାରି ଜଣ ମହାକାଶଚାରୀ ବସିପାରିବେ, କିନ୍ତୁ ଜରୁରୀକାଳୀନ ପରିସ୍ଥିତିରେ ଏଥିରେ ସାତ ଜଣଙ୍କ ପାଇଁ ବସିବା ବ୍ୟବସ୍ଥା ଅଛି।
ସ୍ପେସଏକ୍ସର କ୍ରୁ ଡ୍ରାଗନ କ୍ୟାପସୁଲ ଏବଂ ଫାଲକନ ୯ ରକେଟ୍ ବ୍ୟବହାର କରି ୪ ମହାକାଶଚାରୀଙ୍କୁ ପୃଥିବୀକୁ ଅଣାଯାଇଥିଲା। ଏପରି ପରିସ୍ଥିତିରେ, ଫାଲକନ୍ ୯ ର ଲଞ୍ଚ ମୂଲ୍ୟ ୫୮୦ କୋଟି ଟଙ୍କା (୬୯.୭୫ ନିୟୁତ ଡଲାର) ହୋଇଥିବା ବେଳେ କ୍ରୁ ଡ୍ରାଗନ୍ କ୍ୟାପସୁଲର ମୂଲ୍ୟ ୧୧୭୦ କୋଟି ଟଙ୍କା ଅର୍ଥାତ୍ ୧୪୦ ନିୟୁତ ଡଲାର। ରିପୋର୍ଟ ଅନୁସାରେ, ସ୍ପେସଏକ୍ସର ଡ୍ରାଗନ ସ୍ପେସକ୍ରାଫ୍ଟର ପ୍ରତି ସିଟ୍ ମୂଲ୍ୟ ପ୍ରାୟ ୫୫ ନିୟୁତ (ପ୍ରାୟ ୪୫ ବିଲିୟନ ଟଙ୍କା)।
ଏଲୋନ ମସ୍କଙ୍କ କମ୍ପାନୀ ସ୍ପେସଏକ୍ସ ଏହାର ରକେଟ୍ ଏବଂ କ୍ୟାପସୁଲକୁ ପୁନଃବ୍ୟବହାର କରେ, ଯାହା ଫଳରେ ଏହାର ମୂଲ୍ୟ ହ୍ରାସ ପାଏ। କିନ୍ତୁ ଏଥର ଏହା ଏକ ଜରୁରୀକାଳୀନ ମିଶନରେ ପରିଣତ ହୋଇଥିଲା ଯେଉଁଥିରେ ୪ ଜଣଙ୍କ ଜୀବନ ବିପଦରେ ପଡ଼ିଥିଲା, ତେଣୁ ସୁରକ୍ଷା ଏବଂ ଅତିରିକ୍ତ ସୁବିଧା ପାଇଁ ବିପୁଳ ପରିମାଣର ଖର୍ଚ୍ଚ ହୋଇଥିଲା। ସେଥିପାଇଁ ଏଥର ଏହି ମିଶନରେ ଅଧିକ ଖର୍ଚ୍ଚ ହୋଇଛି। କ୍ରୁ ଡ୍ରାଗନ୍ କ୍ୟାପସୁଲ୍ ସ୍ୱତନ୍ତ୍ର ଭାବରେ ମହାକାଶରୁ ଲୋକଙ୍କୁ ଆଣିବା ଏବଂ ନେବା ପାଇଁ ବ୍ୟବହୃତ ହୁଏ, ତେଣୁ ଏଥିରେ ବ୍ୟାକଅପ୍ ସିଷ୍ଟମ୍, ଲାଇଫ୍ ସପୋର୍ଟ ସିଷ୍ଟମ୍, ଜରୁରୀକାଳୀନ ସ୍ଥାନାନ୍ତର ବ୍ୟବସ୍ଥା ଅଛି, ଯାହା କାରଣରୁ ଏହାର ମୂଲ୍ୟ ବୃଦ୍ଧି ପାଏ।
