ଖୋର୍ତୋମ: ଅସ୍ତ୍ରବିରତିକୁ ଅରାଜି । ସୁଦାନରେ ବହିଲା ରକ୍ତ । ନିଜ ଜିଦରେ ସୁଦାନ ଆର୍ମି ଓ ଆରଏସଏଫ ଅଟଳ ଥିବାବେଳେ ନିରୀହ ଲୋକେ ହୋଇଛନ୍ତି ଶିକାର । ରାଜଧାନୀ ଖୋର୍ତୋମରେ ଏୟାରଷ୍ଟ୍ରାଇକରେ ପ୍ରାଣ ହରାଇଛନ୍ତି ୫ ଶିଶୁଙ୍କ ସମେତ ୧୭ ଜଣ। ଜନବହୁଳ ୟାରମୋକ ଜିଲ୍ଲାରେ ବି ଆକ୍ରମଣ ଘମାଘୋଟ ହୋଇଛି । ଆକ୍ରମଣରେ ୨୫ରୁ ଅଧିକ ଘର ଧୂଳିସାତ୍ ହୋଇଛି । ଗତ ଶନିବାର ଉଭୟ ପକ୍ଷ ମଧ୍ୟରେ ୭୨ ଘଣ୍ଟିଆ ଅସ୍ତ୍ରବିରତି ଲାଗୁ କରାଯାଇଥିଲେ ମଧ୍ୟ ତାହାକୁ କେହି ମାନିନାହାନ୍ତି । ବର୍ତ୍ତମାନ ସୁଦ୍ଧା ସୁଦାନରେ ମୃତ୍ୟୁ ସଂଖ୍ୟା ୧ ହଜାର ଟପିଥିବା ସୂଚନା ମିଳିଛି ।
