ନିକଟରେ ବିରାଟଙ୍କୁ ୧୫ ବର୍ଷ ପୂରିଛି । ଇଣ୍ଡିଆର ଷ୍ଟାର କ୍ରିକେଟର ବିରାଟଙ୍କ ଫ୍ୟାନ୍ ଫଲୋଇଂ ଆକାଶଛୁଆଁ। ତେଣୁ ଫ୍ୟାନ୍ସ ବିରାଟଙ୍କ ପାଇଁ କେତେ ବେଳେ କିଛି ବି କରିପାରନ୍ତି । ଏମିତି ଜଣେ ଫ୍ୟାନ୍ସ ବିରାଟଙ୍କୁ ଏଭଳି ଉପହାର ଦେବାକୁ କହି ସମସ୍ତଙ୍କୁ ଆଶ୍ଚର୍ୟ୍ୟ କରିଦେିଛନ୍ତି । ବିରାଟ କୋହଲିଙ୍କୁ ହୀରା ବ୍ୟାଟ ଉପହାର ଦେବେ ସୁରତର ଜଣେ ବ୍ୟବସାୟୀ କହିଛନ୍ତି । ବିରାଟଙ୍କୁ ମିଳିବାକୁ ଥିବା ଏହି ବ୍ୟାଟ୍ ୧.୦୪ କ୍ୟାରେଟର ଅରିଜିନାଲ ଡାଇମଣ୍ଡ ରହିବ ।
୧୫ ମିଟର ଲମ୍ବା ୫ ମିଟର ଚଉଡା ରହିବ । ଏହାର ଦାମ୍ ୧୦ ଲକ୍ଷ ଟଙ୍କା ବୋଲି ଜଣାପଡିଛି । ଡାଇମଣ୍ଡ ଟେକ୍ନୋଲୋଜି ଏକ୍ସପର୍ଟ ଏବଂ ଲେକ୍ସସ ସଫ୍ଟମେକ କମ୍ପାନୀର ନିର୍ଦ୍ଦେଶକ ଉତ୍ପଳ ମିସ୍ତ୍ରୀ ଏହି ବ୍ୟାଟ ନିର୍ମାଣ ଉପରେ ନଜର ରଖିବେ । ଏହି ବ୍ୟାଟକୁ ପ୍ରସ୍ତୁତ କରିବା ପାଇଁ ୧ ମାସ ସମୟ ଲାଗିବ ।
ପୂର୍ବରୁ ବିରାଟଙ୍କୁ ଅନେକ ପ୍ରକାର ଉପହାର ମିଳିଥିବ । କିନ୍ତୁ ଏଭଳି ଗିପ୍ଟ କେବେ ବି ମିଳିନଥିବ । କୋହଲିଙ୍କର ବ୍ୟବସାୟୀ ଜଣକ ସବୁଠାରୁ ବଡ ପ୍ରଶଂସକ ବୋଲି ଏଭଳି ଉପହାର ଦେଉଛନ୍ତି ବୋଲି ଉତ୍ପଳ କହିଛନ୍ତି ।
ବିରାଟ ଏବେ ବିଶ୍ରାମ ନେଇଛନ୍ତି । ୱେଷ୍ଟଇଣ୍ଡିଜ ଟୁର ପରେ କୋହଲି ଏସିଆ କପରେ ଖେଳିବେ । ଏହି ଟୁର୍ଣ୍ଣାମେଣ୍ଟ କୋହଲି ଏବଂ ଭାରତ ପାଇଁ ବେଶ୍ ଗୁରୁତ୍ୱପୂର୍ଣ୍ଣ । ଏଥିରୁ ବିଶ୍ୱକପ ପାଇଁ ଭାରତ କେତେ ପ୍ରସ୍ତୁତ ତାହା ଜଣାପଡିବ । ୩୦ ଅଗଷ୍ଟରେ ହେବାକୁ ଥିବା ପ୍ରଥମ ମ୍ୟାଚରେ ମୁହାଁମୁହିଁ ହେବେ ପାକିସ୍ତାନ ଏବଂ ନେପାଳ । ଭାରତ-ପାକିସ୍ତାନ ମଧ୍ୟରେ ମହା ମୁକାବିଲା ସେପ୍ଟେମ୍ବର ୨ ତାରିଖରେ ଖେଳାଯିବ । ଶ୍ରୀଲଙ୍କାରେ ଦୁଇ ଦେଶ ମଧ୍ୟରେ ମ୍ୟାଚ୍ ଖେଳାଯିବ ।