କାଲିମେଳା: ସ୍ଵଚ୍ଛତା ପକ୍ଷ (Swachhata Pakhwada) ଅବସରରେ ଆଜି ଏମଭି ୭୯ ଛକରେ ଏସ୍ଏସ୍ଡି ବିଦ୍ୟାଳୟର ଛାତ୍ରୀମାନେ ଏକ ସ୍ଵଚ୍ଛତା ଅଭିଯାନ ଆୟୋଜନ କରିଛନ୍ତି। ପ୍ରଧାନମନ୍ତ୍ରୀ (PM Sri) ସ୍କୁଲ ଅଧୀନରେ ଚାଲିଥିବା ଏହି କାର୍ଯ୍ୟକ୍ରମରେ ଛାତ୍ରୀମାନେ ସଫେଇ କାର୍ଯ୍ୟରେ ଭାଗ ନେବା ସହିତ ଏକ ସଚେତନତା ରାଲି ମାଧ୍ୟମରେ ଲୋକଙ୍କୁ ସ୍ଵଚ୍ଛତା ପ୍ରତି ଜାଗ୍ରତ କରିଛନ୍ତି। ଏହି ଅଭିଯାନରେ ଛାତ୍ରୀମାନେ ଛକ ଅଞ୍ଚଳକୁ ସଫା କରିବା ସହ ଡ଼ଷ୍ଟବିନ୍ର ଉପଯୁକ୍ତ ବ୍ୟବହାର ସମ୍ପର୍କରେ ସାଧାରଣ ଲୋକଙ୍କୁ ସଚେତନ କରାଇଛନ୍ତି। ବିଦ୍ୟାଳୟର ଶିକ୍ଷକ ଓ କର୍ମଚାରୀମାନେ ମଧ୍ୟ ଏହି କାର୍ଯ୍ୟକ୍ରମରେ ଉପସ୍ଥିତ ରହି ଛାତ୍ରୀଙ୍କୁ ଉତ୍ସାହିତ କରିଥିଲେ।
ଏହି ଅବସରରେ ଜଣେ ଶିକ୍ଷକ କହିଛନ୍ତି, “ସ୍ଵଚ୍ଛତା ପକ୍ଷ ମାଧ୍ୟମରେ ଆମେ ଅଂଚଳବାସୀ ନିଜ ପରିବେଶକୁ ସଫା ରଖିବାର ମହତ୍ତ୍ୱ ଶିଖାଇବା ସହ ସମାଜରେ ସଚେତନତା ସୃଷ୍ଟି କରୁଛୁ।” ଏହି କାର୍ଯ୍ୟକ୍ରମ ସ୍ଥାନୀୟ ଅଞ୍ଚଳରେ ସ୍ଵଚ୍ଛତା ପ୍ରତି ଲୋକଙ୍କ ଦୃଷ୍ଟିଭଙ୍ଗୀରେ ଇତିହାସ ସୃଷ୍ଟି କରିଛି ବୋଲି ଆୟୋଜକମାନେ ମତ ଦେଇଛନ୍ତି।
ଏସ୍ଏସ୍ଡି ବିଦ୍ୟାଳୟର ଏହି ପ୍ରୟାସକୁ ସ୍ଥାନୀୟ ଲୋକେ ପ୍ରଶଂସା କରିଛନ୍ତି। ଉକ୍ତ କାର୍ଯ୍ୟକ୍ରମ ରେ ପ୍ରଧାନ ଶିକ୍ଷକ ମନୋଜ କୁମାର ମିଶ୍ର, ଜୟନ୍ତ କୁମାର ମହାଳିକ ,ସସ୍ମିତା ଦଳାଇ ,ପତିତପାବନ ଜେନା , ଦୀପଙ୍କର ପାଲ ,କମଳିନୀ ପାଲ ,ଅମ୍ବିକା ମହାରଣା ,ଗୀତାଞ୍ଜଳି ସ୍ୱାଇଁ , ଦେବାଶିଷ ପାଲ , ସଂଜିତ ମଣ୍ଡଳ,ପ୍ରୋତାପ ପ୍ରଧାନ ,ସଭ୍ୟ ମଣ୍ଡଳ ,ଇରମା ମାଡକାମୀ ,ପଦ୍ମନବା ସୋଡି ,ଦମ୍ବୁରୁ ଖରା ଉପସ୍ଥିତ ଥିଲେ।