ଦଳକୁ ଫେରିବେ ଟିମ୍ ଇଣ୍ଡିଆର ନିୟମିତ କ୍ୟାପଟେନ୍

ନୂଆଦିଲ୍ଲୀ:ରବିବାର ଭାରତ-ଅଷ୍ଟ୍ରେଲିଆ ଭିତରେ ଦ୍ୱିତୀୟ ଦିନିକିଆ ମ୍ୟାଚ୍ ଖେଳାଯିବ । ବିଶାଖାପାଟଣାରେ ଏହି ମ୍ୟାଚ୍ ଖେଳାଯିବାକୁ ଥିବାବେଳେ, ଟିମ୍ ଇଣ୍ଡିଆର ନିୟମିତ କ୍ୟାପଟେନ୍ ରୋହିତ ଶର୍ମା ଏହି ମ୍ୟାଚରେ ଦଳକୁ ଫେରିବେ । ତେବେ ପ୍ରଥମ ଦିନିକିଆ ରୋହିତ ଶର୍ମା ଖେଳିନଥିଲେ ବି, ଦଳ ୫ ୱିକେଟରେ ଅଷ୍ଟ୍ରେଲିଆକୁ ପରାସ୍ତ କରିଥିଲା । ହେଲେ ଦ୍ୱିତୀୟ ଦିନିକିଆରେ ରୋହିତ ଦଳକୁ ଫେରିଲେ, କେଉଁ ବ୍ୟାଟ୍ସମ୍ୟାନ୍ ଦଳରୁ ବାହାରେ ବସିବେ ତାକୁ ନେଇ ଏବେ ଆରମ୍ଭ ହୋଇଛି ଚର୍ଚ୍ଚା ।

ଦ୍ୱିତୀୟ ଦିନିକିଆରେ ଟିମ୍ ଇଣ୍ଡିଆର ଚୂଡାନ୍ତ ଏକାଦଶ କଣ ରହିବ, ତା ଉପରେ ଏବେ ସମସ୍ତଙ୍କର ନଜର । ଭାରତୀୟ ଟିମରେ ପରିବର୍ତ୍ତନ ହେବା ଏକପ୍ରକାର ନିଶ୍ଚିତ । ରୋହିତ ଶର୍ମା ପ୍ରଥମ ଦିନିକିଆରେ ରହିନଥିଲେ, ତେଣୁ ଦ୍ୱିତୀୟ ଦିନିକିଆରେ ସେ ଦଳକୁ ଫେରିବା ନିଶ୍ଚିତ । ତେଣୁ ପ୍ରଥମ ଦିନିକିଆ ଖେଳିଥିବା କେଉଁ ଖେଳାଳିଙ୍କ ସ୍ଥାନରେ ରୋହିତ ଶର୍ମା ଦଳକୁ ଫେରିବେ ତାକୁ ନେଇ ଆରମ୍ଭ ହୋଇଛି ଆଲୋଚନା । ଫର୍ମକୁ ଦେଖିଲେ ଜଣାପଡୁଛି ଯେ, ରୋହିତ ଯଦି ଦ୍ୱିତୀୟ ଦିନିକିଆରେ ଦଳକୁ ଫେରନ୍ତି, ତେବେ ସୂର୍ୟ୍ୟକୁମାର ଯାଦବ ନଚେତ୍ ଇଶାନ କିଷାନ ଦଳରୁ ବାହାରେ ବସିପାରନ୍ତି । ଦିନିକିଆ ଫର୍ମାଟରେ ସୂର୍ୟ୍ୟକୁମାର ଯାଦବ ଲଗାତାର ଫେଲ୍ ହେବାରେ ଲାଗିଛନ୍ତି । ଗତ ପ୍ରଥମ ଦିନିକିଆରେ ମଧ୍ୟ ସେ ଶୂନ୍ କରି ଆଉଟ୍ ହୋଇଥିଲେ । ଏପରି ସ୍ଥିତିରେ ସୂର୍ୟ୍ୟକୁମାରଙ୍କୁ ବସାଇ ତାଙ୍କ ସ୍ଥାନରେ ରୋହିତ ଦଳକୁ ଫେରିପାରନ୍ତି ।