(ଅନୁଗୁଳ/ଜ୍ୟୋତିରଂଜନଧର) : ଅନୁଗୋଳ ଜିଲ୍ଲା କଣିହାଁ ବ୍ଲକ୍ ଅନ୍ତର୍ଗତ ଜରଡା ପଂଚାୟତ ଉଚ୍ଚ ବିଦ୍ୟାଳୟ ପ୍ରଧାନଶିକ୍ଷକ ଆର୍ତ୍ତତ୍ରାଣ ସ୍ୱାଇଁଙ୍କର ଅବସରକାଳୀନ ସମ୍ବର୍ଦ୍ଧନା ଉତ୍ସବ ଅନୁଷ୍ଠିତ ହୋଇଯାଇଛି । ଏନେଇ ସଂପୃକ୍ତ ଶିକ୍ଷାନୁଷ୍ଠାନ ପରିସରରେ ହାଇସ୍କୁଲ୍ ଭାରପ୍ରାପ୍ତ ପ୍ରଧାନଶିକ୍ଷକ ବିକ୍ରମ କୁମାର ସାହୁଙ୍କ ସଭାପତିତ୍ୱରେ ଏକ ବିଦାୟୀକାଳିନ ସମ୍ବର୍ଦ୍ଧନା ସଭା ଆୟୋଜିତ ହୋଇଯାଇଛି । ଉପସ୍ଥିତ ଅତିଥି ମାନଙ୍କ ପକ୍ଷରୁ ବିଦାୟୀ ପ୍ରଧାନଶିକ୍ଷକ ଶ୍ରୀ ସ୍ୱାଇଁଙ୍କୁ ପୁଷ୍ପଗୁଛ ଦେଇ ସମ୍ମାନିତ କରିବା ସହିତ ଦୀର୍ଘ ୩୪ବର୍ଷଧରି ଜରଡା ପଂଚାୟତ ହାଇସ୍କୁଲ୍ର ମଣିଷ କାରାଖାନାରେ କର୍ତ୍ତବ୍ୟନିଷ୍ଠା, ଛାତ୍ରଛାତ୍ରୀ ବତ୍ସଳ, ଇଂରାଜୀ ଶିକ୍ଷାଦାନ ସାଙ୍ଗକୁ ନିତି ନୈତିକତା, ସାମାଜିକ ସଂସ୍କାର କ୍ଷେତ୍ରରେ ସଦାସର୍ବଦା ଚେଷ୍ଠା ଯାରିରଖିଥିଲେ ବୋଲି ଅତିଥି ମାନେ ମତବ୍ୟକ୍ତ କରିଥିଲେ । ପ୍ରକାଶଥାଉକି, ଗତକାଲି ଶ୍ରୀ ସ୍ୱାଇଁଙ୍କର କାର୍ଯ୍ୟକାଳ ଅନ୍ତ ହୋଇଥିଲା । ୧୯୮୭ ମସିହାରୁ ନିରବଛିନ୍ନ ଭାବରେ ଜରଡା ପଂଚାୟତ ହାଇସ୍କୁଲ୍ରେ ଇଂରାଜୀ ଶିକ୍ଷାଦାନ କରି ଆସୁଥିଲେ । ସଂପୃକ୍ତ ଅନୁଷ୍ଠାନର ହିନ୍ଦୀଶିକ୍ଷୟତ୍ରୀ ଅନୁସୂୟା ବାରିକ୍ଙ୍କ ଅକାଳ ବୟୋଗରେ ଦୁଇ ମିନିଟ୍ ନୀରବ ପ୍ରାର୍ଥନା କରାଯାଇଥିଲା । ଶେଷରେ ଜରଡା ଶିକ୍ଷାନୁଷ୍ଠାନ ଠାରୁ ପ୍ରଧାନଶିକ୍ଷକଙ୍କ କୁମୁଣ୍ଡାସ୍ଥିତ ବାସଭବନ ପର୍ଯ୍ୟନ୍ତ ଏକ ବିରାଟ ଶୋଭାଯାତ୍ରାରେ ଶ୍ରୀ ସ୍ୱାଇଁଙ୍କୁ ନେଇ ଥିଲେ ପୁରାତନ ଛାତ୍ର ଓ ସହକର୍ମୀ ।