ପୁରୀ: ଭୟଙ୍କର ଅଗ୍ନିକାଣ୍ଡରେ ୧୫ ପରିବାର ସର୍ବସ୍ୱାନ୍ତ । ଏଭଳି ଘଟଣା ଘଟିଛି ପୁରୀ ଜିଲ୍ଲା ସତ୍ୟବାଦୀ ଆଳିସ ଗାଁରେ । ନିଆଁ ଲାଗି ୩୦ ବଖରାରୁ ଉର୍ଦ୍ଧ୍ବ ଘର ଜଳି ଯାଇଥିବା ଜଣାପଡ଼ିଛି। ଗତକାଲି ବିଳମ୍ବିତ ରାତିରେ ଏହି ଅଗ୍ନିକାଣ୍ଡ ଘଟିଥିବା କୁହାଯାଉଛି ।
ସୂଚନା ଅନୁଯାୟୀ, ଏହି ଅଗ୍ନିକାଣ୍ଡରେ ଆସବା ପାତ୍ର ସହ ବାଇକ୍ ଜଳିପୋଡି ପାଉଁଶ ହୋଇଯାଇଛି। ଏଥିସହ ୩ଟି ଗାଈଗୋରୁ ଜୀବନ୍ତ ଦଗ୍ଧ ହୋଇଥିବା ବେଳେ ଜଣେ ଲୋକ ଗୁରୁତର ହୋଇଛନ୍ତି। ଅଗ୍ନିକାଣ୍ଡର କାରଣ ଅସ୍ପଷ୍ଟ ରହିଛି। ନିଆଁକୁ ଗ୍ରାମବାସୀ ଆୟତ୍ତ କରିଥିବାବେଳେ ୧୫ ଜଣ ପରିବାରଙ୍କ ସମ୍ପୂର୍ଣ୍ଣ ଘର ପୋଡି ପାଉଁଶ ହୋଇଯାଇଛି। ୫ଟି ବାଇକ୍ ସହ ୧୦୦ କୁଇଣ୍ଟାଲ ଧାନ ମଧ୍ୟ ପୋଡ଼ି ଯାଇଛି ବୋଲି ଅଭିଯୋଗ ହୋଇଛି।