(ମୁମ୍ବାଇ ) : ସ୍ୱର୍ଗତ ଅଭିନେତା କାଦର ଖାନଙ୍କ ପ୍ରଥମ ପତ୍ନୀଙ୍କ ବଡ ପୁଅ ଅବଦୁଲ କୁଦ୍ଦୁସଙ୍କର ପରଲୋକ ହୋଇଛି । ତାଙ୍କର କାନାଡାରେ ଦେହାନ୍ତ ହୋଇଛି। କାଦର ଖାନଙ୍କର ତିନି ପୁଅ ସରଫରାଜ ଖାନ, ଶହନୱାଜ ଖାନ ଏବଂ କୁଦ୍ଦୁସ ଖାନ ଥିଲେ।
କାଦର ଖାନଙ୍କ ପୁଅ ସରଫରାଜ ଫିଲ୍ମରେ କାମ କରିଛନ୍ତି। କିନ୍ତୁ ତାଙ୍କର ଅନ୍ୟ ପୁଅମାନେ ଫିଲ୍ମ ଇଣ୍ଡଷ୍ଟ୍ରିରେ କାମ କରିନାହାନ୍ତି । କାଦର ଖାନ ଚାହୁଁ ନଥିଲେ ଯେ ତାଙ୍କ ପୁଅ ଫିଲ୍ମ ଇଣ୍ଡଷ୍ଟ୍ରିରେ ପ୍ରବେଶ କରନ୍ତୁ। ତେବେ ସରଫରାଜ ନିଜେ ନିଜର ପରିଚୟ ସୃଷ୍ଟି କରିଥିଲେ।
ଯଦିଓ ସରଫରାଜ ଖାନ୍ ଫିଲ୍ମରେ ନିଜର ସ୍ବତନ୍ତ୍ର ପରିଚୟ ତିଆରି କରିପାରିନଥିଲେ। କହିବାକୁ ଗଲେ ସରଫରାଜ ସଲମାନ୍ ଖାନ୍ଙ୍କ ସହ ଫିଲ୍ମ ‘ତେରେ ନାମ’ ଏବଂ ଓ୍ବାନଟେଡ’ରେ କାମ କରିଛନ୍ତି। ଏହା ସହିତ ସରଫରାଜ ଏବେ ନିଜର ଏକ ଆକିଂ ଏକାଡେମୀ ଚଳାଉଛନ୍ତି। ଯେଉଁଥିରେ ସେ ନୂଆ କଳାକାରଙ୍କୁ ନେଇ ଆକିଂ ଓ୍ବାର୍କସପ୍ କରାଉଛନ୍ତି।
