(ମୁମ୍ବାଇ ) : ପଞ୍ଜାବର ଅମୃତସର ଜିଲ୍ଲାରେ ଏକ ସଡ଼କ ଦୁର୍ଘଟଣାରେ ପଞ୍ଜାବୀ ଗାୟକ ଦିଲଜାନଙ୍କ ମୃତ୍ୟୁ ଘଟିଛି। ବିଳମ୍ବିତ ରାତି ୩ଟା ୪୫ ସମୟରେ ଏହି ଦୁର୍ଘଟଣା ଘଟିଛି। ନିଜ କାରରେ ଆସୁଥିବା ସମୟରେ ଜାଣ୍ଡିଆଲା ଗୁରୁ ପାଖରେ ଏହି ଦୁର୍ଘଟଣା ଘଟିଥିଲା। ଘଟଣାସ୍ଥଳରେ ହିଁ ଦିଲଜାନଙ୍କର ମୃତ୍ୟୁ ଘଟିଛି। ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଜାରି ରହିଛି।
ପରିବାର ଲୋକ କହିଛନ୍ତି ଯେ, ଏପ୍ରିଲ ୨ତାରିଖରେ ତାଙ୍କର ଏକ ନୂଆ ଗୀତ ରିଲିଜ ହୋଇଥାନ୍ତି। ଏଥିପାଇଁ ସେ ଏକ ବୈଠକରେ ଯୋଗ ଦେବା ପାଇଁ ସୋମାବାର ନିଜ ଗାଡ଼ିରେ ଅମୃତସର ଯାଇଥିଲେ। ବିଳମ୍ବିତ ରାତିରେ ଫେରୁଥିବା ସମୟରେ ଏହି ଦୁର୍ଘଟଣା ଘଟିଛି। ଯେଉଁ ସମୟରେ ଦୁର୍ଘଟଣା ଘଟିଲା ସେହି ସମୟରେ ଦିଲଜାନ୍ କାରରେ ଏକୁଟିଆ ଥିଲେ।
