ବ୍ୟୁରୋ : ଯାତ୍ରା ମଞ୍ଚକୁ ଉତ୍ୟକ୍ତ ହୋଇ ଚେୟାର ଫିଙ୍ଗିଲେ ଦର୍ଶକ । ପୁଣି ମହାପ୍ରଭୁ ଜଗନ୍ନାଥଙ୍କୁ ଅପମାନ ଅଭିଯୋଗ । ସୂଚନାଯୋଗ୍ୟ ଯେ, ଭଦ୍ରକ ଅନ୍ନପାଳରେ ଯାତ୍ରା “ସ୍ୱର୍ଣ୍ଣ ମନ୍ଦିର”ର ପ୍ରଥମ ରାତିର ନାଟକ “ସ୍ୱାମୀ ପାଇଁ ପଛେ ନର୍କକୁ ଯିବି” ଚାଲିଥିଲା । ଯାତ୍ରା ମଧ୍ୟରେ ଡାଇଲଗରେ ମହାପ୍ରଭୁ ଜଗନ୍ନାଥଙ୍କୁ ଅପମାନ ବୋଧକ ଶବ୍ଦ ଏବଂ ହିନ୍ଦୁ ଧର୍ମକୁ ଅପମାନ କରିବା ଭଳି କିଛି ଦୃଶ୍ୟ ଥିଲା ।
ମଞ୍ଚରେ ଏଭଳି ଦୃଶ୍ୟ ଦେଖି ଦର୍ଶକ ଉତ୍ତଜିତ ହୋଇଥିଲେ । ଆଉ ଚେୟାର ଫୋପାଡ଼ି ଯାତ୍ରା ବନ୍ଦ କରିଦେଇଥିଲେ। କିଛି ସମୟ ଏହିଭଳି ଚାଲିବା ପରେ ଯାତ୍ରା କଳାକାର ଏବଂ ଅନୁଷ୍ଠାନର କାର୍ୟ୍ୟକର୍ତ୍ତା ଲୋକଙ୍କୁ ବୁଝାସୁଝା କରି ସେହି ସିନରୁ କିଛି ଅଂଶ କାଟି ପୁଣି ପରିବେଷଣ କରିଥିଲେ । ୨ ଦିନ ତଳେ ବାଲେଶ୍ବର ସୋରରେ ଜଗନ୍ନାଥଙ୍କୁ ଅପମାନ ଅଭିଯୋଗରେ ମଞ୍ଚ ଉପରକୁ ଚେୟାର ଫିଙ୍ଗିଥିଲେ ଦର୍ଶକ ।
