ଭୁବନେଶ୍ୱର: ନିଖୋଜ ଯୁବକର ନଦୀପଠାରୁ ମୃତଦେହ ଉଦ୍ଧାର l ଯୁବକ ଜଣକ ହେଲେ ନହରକଣ୍ଟା ଅଂଚଳର l ଖବର ପାଇ ପାହାଳ ଥାନା ପୋଲିସ ଘଟଣାସ୍ଥଳରେ ପହଂଚି ମୃତଦେହକୁ ଜବତ କରିବା ସହ ପୋଷ୍ଟମର୍ଟମ ପାଇଁ କ୍ୟାପିଟାଲ ହସ୍ପିଟାଲ ପଠାଇଛି l ସୂଚନାନୁଯାୟୀ ମୃତ ଯୁବକ ଜଣକ ଗତ ୪ ଦିନରୁ ନିଖୋଜ ଥିଲେ l ଏନେଇ ପରିବାର ଲୋକ ବହୁ ଖୋଜ ଖୋଜି କରିଥିଲେ ବି ଯୁବକଙ୍କୁ ପାଇନଥିଲେ l ଯୁବକ ଜଣକ ନିୟମିତ ନିଶା ସେବନ କରି ଘରେ ପାଟିତୁଣ୍ଡ କରି ବାହାରକୁ ଯାଇ ଦିନେ କି ଦୁଇ ଦିନ ଭିତରେ ଚାଲି ଆସନ୍ତି l ଏଥର ମଧ୍ୟ ସମାନ ଢଙ୍ଗରେ ଘରୁ ବାହାରକୁ ଚାଲିଯାଇ ଆଉ ଫେରିନଥିଲେ l ଆଜି ଯୁବକଙ୍କ ମୃତଦେହ ନଦୀପଠାରୁ ମିଳିବାପରେ ଘଟଣାସ୍ଥଳରେ ପୋଲିସ ପହଂଚି ଶବକୁ ଜବତ କରିବା ସହ ଏକ ଅପମୃତ୍ୟୁ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛି l
