(ରାଇରଙ୍ଗପୁର / ସତ୍ୟ ନାରାୟଣ ପାଲ) : ଅନ୍ଧ ବିଶ୍ୱାସର ବିଭତ୍ସ ପରିଣତି । ଏଭଳି ଏକ ଘଟଣା ଦେଖିବାକୁ ମିଳିଛି ମୟୁରଭଞ୍ଜ ଜିଲ୍ଲା ଝାରପୋଖରିଆ ଥାନା ଅନ୍ତରର୍ଗତ କୁକୁଡ଼ା ଅଣ୍ଡା ଗ୍ରାମରେ । ଗୁଣି ଗାରେଡ଼ି ସନ୍ଦେହରେ ଜଣେ ୫୦ ବର୍ଷିଆ ମହିଳାଙ୍କୁ ହତ୍ୟା କରାଯାଇଥିବା ଅଭିଯୋଗ ହୋଇଛି । ଅଭିଯୋଗନୁଯାୟୀ ଝାରପୋଖରିଆ ଥାନା ଅଧିକାରୀ ଓ ସାଇଣ୍ଟି ଫିକ୍ସ ଟିମ ପହଞ୍ଚି ଅଧିକ ତଦନ୍ତ ଚଳେଇ ଥିବାବେଳେ ସେହି ଗ୍ରାମ ର ଜଣକୁ ସନ୍ଦେହରେ ଥାନାରେ ଅଟକ ରଖି ପଚରାଉଚୁରା କରାଯାଉଥିବା ଜଣାପଡ଼ିଛି। ଏ ନେଇ ଝାରପୋଖରିଆ ଥାନାରେ କେସ୍ ନଂ ୭୫ /୨୧ ଧାରା ରେ ମାମଲା ରୁଜୁ କରି ତଦନ୍ତ ଜାରି ରଖିଥିବା ଝାରପୋଖରିଆ ଥାନା ଅଧିକାରୀ ସୁଦର୍ଶନ ଗାଙ୍ଗଇ କହିଛନ୍ତି।
ସୂଚନା ମୁତାବକ ଗତକାଲି ଘରେ ଏକା ଥିବାର ସୁଯୋଗ ନେଇ ମୁଣ୍ଡ ବେକରେ ଧାରୁଆ ଅସ୍ତ୍ର ସାହାଯ୍ୟ ରେ ସୁନାମଣି ହାସଦା ଙ୍କୁ ଆକ୍ରମଣ କରିଥିଲା । ତେବେ ତାଙ୍କ ପୁଅ ଲକ୍ଷ୍ମଣ ହାସଦା ଆଦିବାସୀ ମେଳା ଦେଖିବାକୁ ଯାଇଥିଲେ ,ସନ୍ଧ୍ୟା ସମୟରେ ଫେରି ଦେଖିଲେ ତ ଘର ନିକଟରେ ରକ୍ତ ଜୁଡୁ ବୁଡୁ ଅବସ୍ଥାରେ ମାଆ ଛଟପଟ ହେଉଥିବା ବେଳେ ତୁରନ୍ତ ୧୦୮କୁ ଯୋଗାଯୋଗ କରି ବାଙ୍ଗରିପୋଷି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର କୁ ଆଣିଥିଲେ ତେବେ ସେଠାରେ ଡାକ୍ତର ମୃତ୍ୟୁ ଘୋଷଣା କରିଥିଲେ ।
