ବାଘ ମୃତ୍ୟୁସଂଖ୍ୟା ବୃଦ୍ଧିକୁ ନେଇ ଚିନ୍ତାରେ ପଡିଛି ବନବିଭାଗ

0

ବ୍ୟୁରୋ : ମହାରାଷ୍ଟ୍ରର ବଢୁଛି ବାଘ ମୃତ୍ୟୁ ସଂଖ୍ୟା । ରିପୋର୍ଟ ଅନୁସାରେ ୨୦ ଦିନରେ ୮ ବାଘଙ୍କ ମୃତ୍ୟୁ ଘଟିଥିବା ବେଳେ ଜାନୁଆରୀ ମାସ ବାଘ ମୃତ୍ୟୁରେ ରେକର୍ଡ କରିଛି। ମହାରାଷ୍ଟ୍ରର ଘଞ୍ଚ ସିନ୍ଦେୱାହି ଜଙ୍ଗଲରେ ଚନ୍ଦା ଫୋର୍ଟ-ଗନ୍ଦିଆ ରେଳଲାଇନରେ ରେଳ ଧାରଣା ଅତିକ୍ରମ କରୁଥିବା ବେଳେ ଦ୍ରୁତ ଗତିରେ ଆସୁଥିବା ଏକ ଯାତ୍ରୀବାହୀ ଟ୍ରେନ୍ ଧକ୍କାରେ ଏକ ୧୮ ମାସ ବାଘୁଣୀର ମୃତ୍ୟୁ ଘଟିଛି । ରାକ୍ସାଉଲ ଏକ୍ସପ୍ରେସ ଧକ୍କା ଦେଇ ଟ୍ରାକ୍ରୁ ଖସି ପଡିଥିବା ବେଳେ ବାଘୁଣୀର ମୁଣ୍ଡରେ ଗଭୀର ଆଘାତ ଲାଗିଥିଲା । ଫଳରେ ବାଘୁଣୀର ମୃତ୍ୟୁ ଘଟିଛି । ଚନ୍ଦା ଫୋର୍ଟ-ଗନ୍ଦିଆ ରେଳଲାଇନ ଚନ୍ଦ୍ରପୁର, ଗଡ଼ଚିରୋଲି ଓ ଗନ୍ଦିଆ ଜିଲ୍ଲାର ଘଞ୍ଚ ଜଙ୍ଗଲ ମଧ୍ୟ ଦେଇ ଯାଇଛି ।

ସେପଟେ ପଶ୍ଚିମ ମହାରାଷ୍ଟ୍ରର ସହ୍ୟାଦ୍ରି ବ୍ୟାଘ୍ର ଅଭୟାରଣ୍ୟରେ ବାଘଙ୍କ ସଂଖ୍ୟା ବୃଦ୍ଧି ପାଉଥିବା ବେଳେ ବିଦର୍ଭ ଅଞ୍ଚଳରେ ବି ବାଘ ମୃତ୍ୟୁ ସଂଖ୍ୟା ବଢ଼ିବାରେ ଲାଗିଛି । ଜାତୀୟ ବ୍ୟାଘ୍ର ସଂରକ୍ଷଣ ପ୍ରାଧିକରଣ (ଏନ୍ଟିସିଏ) ଅନୁଯାୟୀ, ଚଳିତ ବର୍ଷ ଜାନୁଆରୀ ମାସର ପ୍ରଥମ ୨୦ ଦିନରେ ଭାରତରେ ୧୪ଟି ବାଘ ମୃତ୍ୟୁ ରେକର୍ଡ କରାଯାଇଛି ।

ଏମାନଙ୍କ ମଧ୍ୟରୁ ଅଧିକାଂଶ ମୃତ୍ୟୁ ସଂରକ୍ଷିତ ଅଞ୍ଚଳ ବାହାରେ ହୋଇଥିବା ବେଳେ ଶିକାର, ଦୁର୍ଘଟଣା ଓ ସଂକ୍ରାମକ ରୋଗ ଯୋଗୁଁ ଏହି ମୃତ୍ୟୁ ହୋଇଥିବା ରାଜ୍ୟ ବନ ବିଭାଗର ଅଧିକାରୀମାନେ କହିଛନ୍ତି । ଯଦିଓ ଏନଟିସିଏ ପକ୍ଷରୁ ନିକଟରେ ପ୍ରକାଶିତ ‘ଷ୍ଟାଟସ୍ ଅଫ୍ ଟାଇଗର୍ସ ଇନ୍ ଇଣ୍ଡିଆ’ ରିପୋର୍ଟରେ ମହାରାଷ୍ଟ୍ରରେ ବାଘ ସଂଖ୍ୟା ବୃଦ୍ଧିକୁ ସୁନିଶ୍ଚିତ କରାଯାଇଛି, ତଥାପି ମୃତ୍ୟୁ ସଂଖ୍ୟା ବୃଦ୍ଧି ବନ ବିଭାଗ ପାଇଁ ଏକ ନୂଆ ଚ୍ୟାଲେଞ୍ଜ ସୃଷ୍ଟି କରିଛି ।