ଉତ୍ତରାଖଣ୍ଡର : ମୌସୁମୀ ପ୍ରଭାବରେ ଅନେକ ସ୍ଥାନରେ ପ୍ରବଳ ବର୍ଷା ଯୋଗୁ ସାଧାରଣ ଜୀବନ ବାଧାପ୍ରାପ୍ତ ହୋଇଛି । ବିଶେଷକରି ଦେବଭୂମି ଉତ୍ତରାଖଣ୍ଡର ଅନେକ ଜିଲ୍ଲାରେ ପ୍ରବଳ ବର୍ଷା ଜାରି ରହିଛି ।ତେଣୁ ବିଭିନ୍ନ ସ୍ଥାନରେ ଭୂସ୍ଖଳନ ହେଉଛି । ଏଣୁ ପର୍ଯ୍ୟଟକମାନଙ୍କ ପାଇଁ ସତର୍କତା ଜାରି କରାଯାଇଛି । ଚମୋଲି ଜିଲ୍ଲାର ଛିନକା ନିକଟସ୍ଥ ବଦ୍ରିନାଥକୁ ଯାଉଥିବା ଜାତୀୟ ରାଜପଥ ୭ର ଏକ ଅଂଶ ଧୋଇଯାଇଛି । ଫଳରେ ବଦ୍ରିନାଥକୁ ଯୋଗାଯୋଗ ବିଚ୍ଛିନ୍ନ ହୋଇପଡ଼ିଛି । ଯେଉଁଥି ପାଇଁ ପର୍ଯ୍ୟଟକମାନେ ଅନେକ ସମସ୍ୟାର ସମ୍ମୁଖୀନ ହେଉଛନ୍ତି ।
