ବାଲିଅନ୍ତା/ଜିତେନ୍ଦ୍ର କୁମାର ବେଉରା : ବାଳକାଟୀ ଫାଣ୍ଡି ଅଧିନ ସାତକଣିଆ ଶକ୍ତି ଇଟାଭାଟି ନିକଟରେ ଝିଅର ବେକ କଟିବା ଘଟଣାରେ ଅଭିଯୁକ୍ତ ବାପାକୁ କୋର୍ଟ ଚାଲାଣ କଲା ବାଲିଅନ୍ତା ପୋଲିସ । ଅଭିଯୁକ୍ତ ଜଣଙ୍କ ହେଲା ଗଣେଶ୍ଵର ସିଂ । ପୋଲିସ ଗତକାଲି ଗିରଫ କରିଥିବା ବେଳେ ଆଜି ଅପରାହ୍ନରେ କୋର୍ଟ ଚାଲାଣ କରିଥିବା ନେଇ ସୂଚନା ଦେଲେ ଥାନା ଅଧିକାରୀ । ସୂଚନା ଥାଉ କି ଗତକାଲି ଅଭିଯୁକ୍ତ ଜଣଙ୍କ ପାରିବାରିକ କଳହରୁ ଉତକ୍ଷିପ ହୋଇ ନିଜ ଝିଅର ବେକ ବ୍ଲେଡ ରେ କଟିଥିଲା । ପୋଲିସ ପହଞ୍ଚି ଝିଅକୁ ଉଦ୍ଧାର କରି ଗୁରୁତର ଅବସ୍ଥାରେ ମେଡିକାଲରେ ଭର୍ତି କରିଥିଲା । ଏନେଇ ମାମଲା ରୁଜୁ ପରେ ଘଟଣାର ତଦନ୍ତ କରି ଅଭିଯୁକ୍ତକୁ ଗିରଫ ପରେ କୋର୍ଟ ଚାଲାଣ କରାଯାଇଛି ।
