ଭୁବନେଶ୍ୱର : ଏହି ବର୍ଷର ଶେଷ କର୍ପୋରେସନ ବୈଠକ ଆଜି BMC ସମ୍ମିଳନୀ କକ୍ଷରେ ବସିଛି । ବୈଠକରେ ପ୍ରଥମ ଥର ପାଇଁ ଯୋଗଦେଇଛନ୍ତି ଭୁବନେଶ୍ବର ସାଂସଦ ଅପରାଜିତ ଷଡଙ୍ଗୀ। ମେୟର ସୁଲୋଚନା ଦାସ ,କମିଶନର ବିଜୟ ଅମୃତା କୁଲାଙ୍ଗେ , ଭୁବନେଶ୍ୱର ମଧ୍ୟ ବିଧାୟକ ଅନନ୍ତ ନାରାୟଣ ଜେନା, ବିଧାୟକ ସୁର ରାଉତରାୟ ସମେତ ୬୭ କର୍ପୋରେଟର ମଧ୍ୟ ଉପସ୍ଥିତ ଅଛନ୍ତି । ଏହି ବୈଠକରେ ମୁହା ମୁଁହି ହୋଇପାରନ୍ତି ବିଜେଡି – ବିଜେପି। ବିରୋଧୀଙ୍କୁ ମୁକାବିଲା ପାଇଁ ଶାସକ ବିଜେଡି ବି ପ୍ରସ୍ତୁତ ହୋଇଛି। ଆଜି ମଶା ସମସ୍ଯା , ଉଠାଦୋକାନୀଙ୍କ ଜବରଦଖଲ ଉଚ୍ଛେଦ , ଫୁଟ ଓଭରବ୍ରିଜ ପ୍ରସଙ୍ଗ , ଏନ ଏଚ ମରାମତିରେ ବିଲମ୍ୱ ଭଳି ଅନେକ ପ୍ରସଙ୍ଗ ଉପରେ ଆଲୋଚନା ହୋଇପାରେ। ଏହି ପ୍ରସଙ୍ଗ କୁ ନେଇ ଶାସକ ଓ ବିରୋଧୀ ମୁହାଁମୁହିଁ ହେବା ସହ ବୈଠକ କମ୍ପିବାର ସଂଭାବନା ରହିଛି। ବିଶେଷ ଭାବେ ମଶା ମାରିବାରେ ବିଏମସିର ଅସଫଳତାକୁ ନେଇ ବୈଠକରେ ହଟଗୋଳ ହେବାର ଥିବା ବେଳେ ଉଠାଦୋକାନୀଙ୍କ ଥଇଥାନ ପ୍ରସଙ୍ଗ ଉଠି ପାରେ
