ରିପୋର୍ଟର୍ସ ଟୁଡେ ବ୍ୟୁରୋ; ଶଶି ଥରୁରଙ୍କୁ ନେଇ ବଢିଲାଣି ଚର୍ଚ୍ଚା । ଦଳରୁ ଖୁବଶୀଘ୍ର ବିଦାୟ ନେଇପାରନ୍ତି କଂଗ୍ରେସ ବିଧାୟକ ଶଶି ଥରୁର । ଏନେଇ ଚିନ୍ତା ଘେରରେ ପଡ଼ିଲାଣି ଦଳ । ଅପରେସନ ସିନ୍ଦୁରକୁ ନେଇ ଭାରତ ସରକାର ଥରୁରଙ୍କୁ ପ୍ରତିନିଧିମଣ୍ଡଳର ନେତୃତ୍ୱ ନେବାର ଦାୟିତ୍ୱ ଦିଆଯାଇଛି। ଯାହାକୁ ନେଇ କଂଗ୍ରେସର କିଛି ଲୋକ ଏଥିରେ କ୍ଷୁବ୍ଧ । ଅନେକ କଂଗ୍ରେସ ନେତା ଦଳ ପାଇଁ ଥରୁର ବିପଦ ବୋଲି କହିଛନ୍ତି । ସେମାନେ ଭୟ କରୁଛନ୍ତି ଯେ ଥରୁର 2026 କେରଳ ବିଧାନସଭା ନିର୍ବାଚନରେ ଦଳକୁ କ୍ଷତି ପହଞ୍ଚାଇ ପାରନ୍ତି। କିଛି ନେତା ଚାହୁଁଛନ୍ତି ଯେ ଥରୁର ଆଉ ଏକ ବଡ଼ ଝଟକା ଦେବା ପୂର୍ବରୁ ସେ ମଧ୍ୟ ଦଳ ଛାଡିଦିଅନ୍ତୁ।
ସେହିପରି କଂଗ୍ରେସ କହିଛି ପ୍ରତିନିଧିମଣ୍ଡଳରେ ଯୋଗ ଦେବା ପୂର୍ବରୁ ଶଶିଙ୍କୁ ଦଳ ସହିତ ପରାମର୍ଶ କରିବା ଉଚିତ ଥିଲା। ଥରୁର୍ ସୋସିଆଲ ମିଡିଆରେ ତୁରନ୍ତ ଦାୟିତ୍ୱ ଗ୍ରହଣ କରିଥିଲେ। ଏସବୁ କାରଣରୁ କଂଗ୍ରେସ ସମସ୍ୟାରେ ପଡ଼ିଛି। ଯଦି ସେ ଥରୁରଙ୍କ ବିରୋଧରେ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରନ୍ତି, ତେବେ ବିଜେପିକୁ ଆକ୍ରମଣ କରିବାର ସୁଯୋଗ ମିଳିବ। ଶୀଘ୍ର ଥରୁରଙ୍କୁ ଏକ ନୋଟିସ ପଠାଯାଇପାରେ। ସେ ପରବର୍ତ୍ତୀ ସମୟରେ କ’ଣ କରନ୍ତି ତାହା ଦେଖିବା ପାଇଁ ଦଳ ତାଙ୍କ ଉପରେ ନଜର ରଖିବ।