ଜାପାନରେ ବଡ ଧରଣର ଭୂମିକମ୍ପ ।ଭୂମିକମ୍ପର ଜୋରଦାର ଝଟକା ଅନୁଭବ କରିଛନ୍ତି ଜାପାନବାସୀ । ଯାହାର ରିକ୍ଟର ସ୍କେଲରେ ତୀବ୍ରତା ରହିଛି ୭.୧ । ଫଳରେ ଦେଶରେ ସୁନାମି ଚେତାବନୀ ମଧ୍ୟ ଦିଆଯାଇଛି ।
ଭୂମିକମ୍ପର ଝଟକା ଜାପାନର କ୍ୟୁଶୁ ଓ ଶିକୋକୁ ଦ୍ୱୀପଯାଏଁ ଅନୁଭୂତ ହୋଇଛି । ଭୂକମ୍ପ ସହ ଜାପାନରେ ଅନେକ ଉପକୂଳ ଇଲାକା ମିୟାଜାକି, କୋଚି, ଇହିମୋ, କାଗୋସିମା ଓ ଆଇମାରେ ସୁନାମୀ ଆଲର୍ଟ ଜାରି ହୋଇଛି ଏବଂ ସ୍ଥିତି ଉପରେ ନଜର ରଖାଯାଇଛି । ତେବେ ଭୂମିକମ୍ପ ଯୋଗୁଁ କ୍ଷୟକ୍ଷତିର କୌଣସି ସୂଚନା ଏଯାଏଁ ମିଳିନାହିଁ ।