ବ୍ୟୁରୋ: ସ୍କୁଲ ପ୍ରାଥନାସଭାରେ ହାର୍ଟଆଟାକ ଆସିବାରୁ ଛାତ୍ରୀଙ୍କ ମୃତ୍ୟୁ । ପ୍ରଥନାସଭାରେ ହାର୍ଟ ଆଟାକ ଯୋଗୁଁ ସେ ତଳେ ଟଳି ପଡିଥିଲେ । ତୁରନ୍ତ ତାଙ୍କୁ ହସପିଟାଲରେ ଭର୍ତ୍ତୀ କରାଯାଇଥିଲା । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥଲେ । ପୋଲିସ ମୃତ ଦେହକୁ ବ୍ୟବଚ୍ଛେଦ ପାଇଁ ପଠାଇଛି ।
ମୃତକ ଛାତ୍ରୀ ଜଣକ ହେଲେ କର୍ଣ୍ଣାଟକ ଚାମରାଜନଗର ଜିଲ୍ଲାର ଗୁଡଲପେଟ ସ୍ଥିତ ସ୍କୁଲରେ ୧୦ ଶ୍ରେଣୀର ଛାତ୍ରୀ ପେଲିଶା । ଛାତ୍ରୀଙ୍କ ବୟସ ୧୬ ବର୍ଷ । ପ୍ରତିଦିନ ଭଳି ଆଜି ମଧ୍ୟ ସକାଳେ ସ୍କୁଲରେ ପ୍ରାର୍ଥନା କରୁଥିଲେ । ଜାତୀୟ ସଂଗୀତ ଗାଉଥିବା ବେଳେ ଛାତ୍ରୀଙ୍କ ସ୍ୱାସ୍ଥ୍ୟାବସ୍ଥା ବିଗିଡିବାରେ ଲାଗିଥିଲା ।
ପ୍ରଥମେ ସ୍କୁଲର ଶିକ୍ଷକ ଛାତ୍ରୀର ମୁଣ୍ଡ ବୁଲାଇବା ଭାବିଥିଲେ । କିନ୍ତୁ ଛାତ୍ରୀଙ୍କ ସ୍ୱାସ୍ଥ୍ୟ ଅଧିକ ବିଗିଡିବାରୁ ତାଙ୍କୁ ହସପିଟାଲରେ ଭର୍ତ୍ତି କରିଥିଲେ । ଡାକ୍ତର ସେଠାରେ ଅନେକ ଚେଷ୍ଟା କରିଥିବା ସତ୍ତ୍ୱେ ଛାତ୍ରୀଙ୍କୁ ବଞ୍ଚାଇପାରିନଥିଲେ । ତେବେ ଛାତ୍ରୀ ଜଣକ ହାର୍ଟଆଟାକରେ ମରିଥିବା ଜଣାପଡିଛି ।
କିନ୍ତୁ ଏହି ଘଟଣାରେ ପୋଲିସ ଛାତ୍ରୀଙ୍କ ମୃତଦେହକୁ ବ୍ୟବଚ୍ଛେଦ ପାଇଁ ପଠାଇଛି । ପେଲିଶା ଜଣେ ମେଧାବୀ ଛାତ୍ରୀ ଥିଲେ । ପେଲିଶାଙ୍କ ମୃତ୍ୟୁରେ ସ୍କୁଲରେ ପିଲା ଏବଂ ଶିକ୍ଷକ ସମସ୍ତଙ୍କୁ ଝଟକା ଲାଗିଛି ।