କଳାହାଣ୍ଡି : ସରପଞ୍ଚ ବାବୁ ଙ୍କୁ ଧରିଲା ଭିଜିଲାନ୍ସ। କଳାହାଣ୍ଡି ଜିଲ୍ଲା ଗୋଲମୁଣ୍ଡା ବ୍ଲକ ଅନ୍ତର୍ଗତ ବୃନ୍ଦାବାହାଲ ଗ୍ରାମପଞ୍ଚାୟତର ସରପଞ୍ଚ ଦିନେଶ କୁମାର ରାଉତ ଙ୍କୁ ଗିରଫ ଗଲା ଭିଜିଲାନ୍ସ । । ଦିନେଶଙ୍କୁ ଭିଜିଲାନ୍ସ ଟିମ୍ ରାସ୍ତା ଉପରେ ରେଡ୍ ହ୍ୟାଣ୍ଡେଡ୍ ଧରି ତାଙ୍କ ଠାରୁ ନଗଦ ୫ ଲକ୍ଷରୁ ଅଧିକ ଜବତ କରିଛି ।
ସୂଚନା ଅନୁଯାୟୀ ଗତକାଲି ସରପଞ୍ଚ ଦିନେଶ ରାଉତ ଗୋଲାମୁଣ୍ଡାରୁ ନିଜ ବୋଲେରୋ ଗାଡ଼ିରେ ବୃନ୍ଦାବାହାଲ ସ୍ଥିତ ନିଜ ଘରକୁ ଯାଉଥିଲେ। ଏହି ସମୟରେ ସନ୍ଦେହ ହେବାରୁ ଖଲିଆକାନି ନିକଟରେ ଭିଜିଲାନ୍ସର ଏକ ଟିମ୍ ତାଙ୍କ ଗାଡିକୁ ଅଟାକାଇଥିଲେ । ଭିଜିଲାନ୍ସ ଟିମ୍ ତାଙ୍କ ଗାଡିକୁ ଯାଞ୍ଚ କରିବା ପରେ ସେଥିରୁ ନଗଦ ୫ ଲକ୍ଷ ୪ ଜହାର ଟଙ୍କା ମିଳିଥିଲା । କିନ୍ତୁ ଟଙ୍କା ସମ୍ପର୍କରେ ଦିନେଶଙ୍କୁ ପଚରାଯିବାରୁ ସେ କୌଣସି ସ୍ପଷ୍ଟ ଉତ୍ତର ଦେଇପାରିନଥିଲେ । ଯାହାଫଳରେ ଭିଜିଲାନ୍ସ ଟିମ୍ ତାଙ୍କୁ ଧରି ତାଙ୍କର ସମସ୍ତ ଟଙ୍କା ସହିତ ବୋଲେରୋ ଗାଡ଼ିକୁ ଜବତ କରିଥିଲା । ପରେ ଦିନେଶଙ୍କୁ ଭିଜିଲାନ୍ସ କାର୍ୟ୍ୟାଳୟକୁ ନିଆଯାଇ ପଚରାଉଚରା କରାଯାଉଥିବା ବେଳେ ଏବେ ଗିରଫ କରଯାଇଛି ।