ଭୁବନେଶ୍ୱର: ଯୁବତୀଙ୍କୁ କମେଣ୍ଟ ମାରି ଛେଚା ଖାଇଲେ ଯୁବକ । ଭୁବନେଶ୍ୱର ସତ୍ୟନଗର ସାମ୍ନା ମୁଖ୍ୟ ରାସ୍ତାରେ ଏହି ହାଇଡ୍ରାମା ଦେଖିବାକୁ ମିଳିଛି । ଯୁବତୀଙ୍କ ଆଭିଯୋଗ ଯେ ସେ ଅଫିସ ଯାଉଥିବା ସମୟରେ ତାଙ୍କୁ କମେଣ୍ଟ୍ ମାରିବା ସହ ଅସଭ୍ୟ ଭାଷାରେ ଗାଳି ଗୁଲଜ କରିଥିଲେ ଏହି ଯୁବକ । ଯାହାକୁ ନେଇ ବିରୋଧ କରିଥିଲେ ଯୁବତୀ । ବଡ ପାଟି କରି ଉକ୍ତ ଯୁବକକୁ ଗାଳି କରିଥିଲେ । ଫଳରେ ସେଠାରେ ଯାଉଥିବା ଲୋକମାନେ ରୁଣ୍ଢ ହୋଇଯାଇଥିଲେ । ଆଉ ସଂପୃକ୍ତ ଯୁବକଙ୍କୁ ନିର୍ଦ୍ଧୁମ ଛେଚିଥିଲେ । ଶେଷରେ ଏହି ଯୁବକ ଜଣଙ୍କ ସମ୍ପୃକ୍ତ ଯୁବତୀଙ୍କ ଗୋଡ଼ ଧରି ଭୂଲ୍ ମାଗିବା ମଧ୍ୟ ଦେଖିବାକୁ ମିଳିଥିଲା । କିଛି ସମୟ ପାଇଁ ସେହି ଅଞ୍ଚଳରେ ଲୋକଙ୍କ ଗହଳି ଜମିବା ପରେ ଯୁବକ ଜଣଙ୍କ ଭୂଲ୍ ମାଗିବା ପରେ ମାମଲା ଥଣ୍ଡା ପଡ଼ିଥିଲା ।
