ଅନୁଗୋଳ (ସୁଧାକର ସାହୁ) : ବଅଁରପାଳ ଥାନା ଅନ୍ତର୍ଗତ ନଳଚନ୍ଦ୍ର ପୁର ଗ୍ରାମ ପୋଖରୀରେ ବୁଡି ଯୁବକଙ୍କ ମୃତ । ସୂଚନା ମୁତାବକ ଗଡ଼ସନ୍ତ୍ରୀ ଗ୍ରାମ ପଞ୍ଚାୟତର ନଳଚନ୍ଦ୍ର ପୁର ଗ୍ରାମ ପୋଖରୀକୁ ଗାଧୋଇ ଯାଇଥିବା ଯୁବକ ହେଲେ ହିରୋନ ମାଝୀ (୪୦) ପିତା ଅକ୍ଷୟ ମାଝୀ । ଆଜି ପ୍ରାୟ ଅପରାହ୍ନ ୩ଘଟିକା ସମୟରେ ନିଜର କାର୍ଯ୍ୟ ସାରି ଘରକୁ ଫେରୁଥିଲେ କିନ୍ତୁ ଅଧିକ ସମୟ ବିଳମ୍ବ ହେବାରୁ ପରିବାର ବର୍ଗ ବହୁ ଖୋଜା ଖୋଜି କରିଥିଲେ ଓ ପୋଖରୀ ରେ ଚପଲ ଭାସୁଥିବା ଦେଖି ଜାଣିପାରିଲେ ଯେ ହିରୋନ ମାଝୀ ବୁଡି ଯାଇଛନ୍ତି ବୋଲି । ପୋଖରୀ ରେ ଯୁବକଙ୍କୁ ଗ୍ରାମବାସୀ ବହୁ ଖୋଜା ଖୋଜି କରି ପାଇ ନ ଥିଲେ ତେଣୁ ବଅଁରପାଳ ବୁଢ଼ାପଙ୍ଗ ଅଗ୍ନିଶମ ବିଭାଗ ପହଁଚି ପାଣିରୁ ଯୁବକଙ୍କ ମୃତଦେହକୁ ବାହାର କରିଥିଲେ ।ଘଟଣା ସ୍ଥଳରେ ବଅଁରପାଳ ପୋଲିସ ପହଁଚି ଅଧିକ ତଦନ୍ତ କରିବା ସହ ଶବକୁ ଜବତ କରି ବ୍ୟବଚ୍ଛେଦ ପାଇଁ ଅନୁଗୋଳ ମୁଖ୍ୟ ଚିକିତ୍ସାଳୟକୁ ପଠାଇଛନ୍ତି |
