ନୂଆଦିଲ୍ଲୀ : ସ୍କୁଲରେ ପାଣି ଟାଙ୍କି ଖସି ୩ ଜଣଙ୍କର ମୃତ୍ୟୁ ଘଟିଛି । ଏଭଳି ଘଟଣା ଅରୁଣାଚଳ ପ୍ରଦେଶର ନାହରଲାଗୁନରେ ଘଟିଛି । ଏହି ଘଟଣାରେ ଅନ୍ୟ ତିନି ଜଣ ଛାତ୍ର ଗୁରୁତର ଭାବେ ଆହତ ହୋଇଛନ୍ତି । ଆହତ ଛାତ୍ରଛାତ୍ରୀଙ୍କୁ ଚିକିସ୍ôା ପାଇଁ ମେଡିକାଲରେ ଭର୍ତ୍ତି କରାଯାଇଥିବା ପୋଲିସ କହିଛନ୍ତି । ଏକ ଘରୋଇ ସ୍କୁଲରେ ଛାତ୍ରମାନେ ଖେଳୁଥିଲେ । ଏହି ସମୟରେ ପାଣି ଟାଙ୍କି ଭୁଷୁଡି ପଡିଥିଲା । ଏଥିରେ ୬ ଜଣ ଗୁରୁତର ଆହତ ହୋଇଛନ୍ତି । ସମସ୍ତଙ୍କୁ ସ୍ଥାନୀୟ ଟୋମୋ ରିବା ମେଡିକାଲ କଲେଜରେ ଭର୍ତ୍ତି କରାଯାଇଥିଲା । ହେଲେ ସେଠାରେ ୩ ଜଣ ଛାତ୍ରଙ୍କୁ ଡାକ୍ତର ମୃତ ଘୋଷଣା କରିଥିଲେ । ମୃତଦେହକୁ ବ୍ୟବଛେଦ ପାଇଁ ପଠାଯାଇଛି କହିଛନ୍ତି ଏସପି । ମୃତକମାନେ ନବମ ଶ୍ରେଣୀର । ଆହତମାନେ ଷଷ୍ଠ, ସପ୍ତମର ବୋଲି ଜଣାପଡିଛି । ପୋଲିସ ଘରୋଇ ସ୍କୁଲର ପ୍ରଧାନ ଶିକ୍ଷକ , ଏବଂ ତାରିଜଣ କର୍ମଚାରୀଙ୍କୁ ଅଟକ ରଖି ପଚରାଉଚରା କରୁଛି ।
