ବସ୍ତା (ଅଜିତ ସାହୁ) : ରାଜ୍ୟସ୍ତରୀୟ ଫୁଟବଲ ପ୍ରତିଯୋଗିତା ରେ କୃତିତ୍ୱ ପ୍ରଦର୍ଶନ କରିବେ ବସ୍ତା ବ୍ଲକର ତିନି ଛାତ୍ର। ସେମାନେ ହେଲେ ବସ୍ତା ବ୍ଲକ ରାଧାନାଥ ଉଚ୍ଚ ମାଧ୍ୟମିକ ବିଦ୍ୟାଳୟର +୨ ଦ୍ୱିତୀୟ ବର୍ଷ କଳାର ଛାତ୍ର ସୁରେଶ କୁମାର ହାଁସଦା ଏବଂ ବସ୍ତା ଶମ୍ଭୁନାଥ ଉଚ୍ଚ ବିଦ୍ୟାଳୟର ଦଶମ ଶ୍ରେଣୀର ଛାତ୍ର ଅର୍ଜୁନ ରାମ୍ ଏବଂ ଅମର ରାମ୍ । ନବରଙ୍ଗପୂର୍ ଜିଲ୍ଲା ଉମରକୋଟ ଉଚ୍ଚ ବିଦ୍ୟାଳୟ ରେ ଚାରିଦିନିଆ ଉଭୟ ମହିଳା ଓ ପୁରୁଷ ବର୍ଗ ପାଇଁ ରାଜ୍ୟସ୍ତରୀୟ ଫୁଟ ବଲ ପ୍ରତିଯୋଗିତା ଅନୁଷ୍ଠିତ ହେବାକୁ ଥିବା ବେଳେ। ବାଲେଶ୍ଵର ଜିଲ୍ଲାରୁ ଉଭୟ ମହିଳା ଓ ପୁରୁଷ ବର୍ଗ ପାଇଁ ୩୨ ଜଣ ଛାତ୍ର ଛାତ୍ରୀ ଚୟନ ହୋଇଛନ୍ତି। ବସ୍ତା ବ୍ଲକ ରୁ ପୁରୁଷ ବର୍ଗରୁ ତିନି ଜଣ ଛାତ୍ର ଚୟନ ହୋଇଛନ୍ତି। ଯାହାକୁ ନେଇ ବିଦ୍ୟାଳୟର ଶିକ୍ଷକ ଶିକ୍ଷୟତ୍ରୀ, ସାଙ୍ଗସାଥୀ, ପରିବାର ବର୍ଗ ସମେତ ଅଞ୍ଚଳ ବାସୀ ବେଶ ଖୁସି ଥିବା ବେଳେ, ସେମାନଙ୍କର କୃତି ସଫଳତା କାମନା କରିଛନ୍ତି।
