ଭୁବନେଶ୍ୱର: ଗତ କିଛି ଦିନର ଅସହ୍ୟ ଗରମରୁ ମୁକ୍ତି । ଆଜି ସନ୍ଧ୍ୟାରେ ଟ୍ୱିନ୍ ସିଟିରେ କାଳ ବୈଶାଖୀ ପ୍ରଭାବରେ ପବନ ପବନ ସାଙ୍ଗକୁ ଘଡ଼ଘଡ଼ି ଓ ବର୍ଷା । କିଛି ସମୟ ପାଇଁ ଅସରାଏ ବର୍ଷା ଟ୍ୱିନସିଟିକୁ ଦେଇଛି ଶୀତଳତା। ସଂଧ୍ୟା ପ୍ରାୟ ସାଢେ ଛଅଟାରେ କେଉଁଠି ଥିଲା ମାଡିଆସିଲା ପବନ । ଗଛ ପତ୍ର ଦୋହଲି ଗଲା । ଚାରିଆଡ ଅନ୍ଧକାରରେ ଆଚ୍ଛନ୍ନ ହୋଇଗଲା । ଲୋକେ ଯିଏ ଯୁଆଡେ ପାରିଲେ ଧାଇଁଲେ ନିରପଦ ଆଶ୍ରୟ ପାଇଁ । ଧୁଳି ବାଲିରେ ରାସ୍ତାଘାଟରେ ଦୃଶ୍ୟ ହ୍ରାସ ପାଇଲା । ରାସ୍ତାରେ ବାଇକ ଚଳାଇବା ମଧ୍ୟ କଷ୍ଟକର ହୋଇପଡିଲା । ଘରଦ୍ୱାର ଧୂଳିରେ ଭରିଗଲା । ପ୍ରାୟ କିଛି ସମୟରେ ପ୍ରବଳ ପବନ ବହିବା ପରେ ଅସରାଏ ବର୍ଷା ଟ୍ୱିନ ସିଟିର ତାତିକୁ ଧୋଇନେଇ ଗଲା ।