(ଶିମିଳିପାଳ) : ରାଜ୍ୟରେ ଲଗାତର ଭାବେ ବୃଦ୍ଧି ପାଉଛି ବାଘ ମୃତ୍ୟୁ ସଂଖ୍ୟା । ତେବେ ଏହି କ୍ରମରେ ଶିମିଳିପାଳ ଅଭୟାରଣ୍ୟରେ କୋର ଏରିଆରେ ଏକ ମହାବଳ ବାଘର ମୃତ୍ୟୁ ହୋଇଛି । ସାଢେ ୩ ବର୍ଷର ବିରଳ କଳା ମହାବଳ ବାଘର ମୃତ୍ୟୁ ଘଟିଛି । ତେବେ କଳା ବାଘଟି ଦେହରେ କ୍ଷତଚିହ୍ନ ରହିଥିବାରୁ ଅନେକ ପ୍ରଶ୍ନ ସୃଷ୍ଟି କରୁଛି ।
ସୂଚନାନୁଯାୟୀ , ମୃତ ବାଘଟି ସାଢେ ୩ ବର୍ଷର ଏକ ଅଣ୍ତିରା ମହାବଳ ବାଘ । ମୟୂରଭଞ୍ଜ ବଡ଼ମୁଖବାଡି ଗ୍ରାମ ନିକଟରେ ମୃତ ବାଘକୁ ଠାବ କରିଛି ବନ ବିଭାଗ । ତେବେ ନିଜ ଏରିଆ ପାଇଁ ବାଘ- ବାଘ ମଧ୍ୟରେ ଲଢେଇ ଯୋଗୁଁ କଳା ମହାଳ ବାଘର ମୃତ୍ୟୁ ହୋଇଥାଇ ପାରେ ବୋଲି ସନ୍ଦେହ କରାଯାଉଛି । ପୋଷ୍ଟମର୍ଟମ ପରେ ହିଁ କାରଣ ସ୍ପଷ୍ଟ ହେବ ।