(ଶିଳାସ୍ମିତା ରାୟ) ଭୁବନେଶ୍ୱର: କଥାରେ ଅଛି ସମୟ ବଡ ବଳବାନ । କାହା ପାଇଁ ସମୟ ସବୁଦିନ ସମାନ ନଥାଏ । ଏହା ପୂର୍ବତନ ଗୃହମନ୍ତ୍ରୀ ଓ ଅର୍ଥମନ୍ତ୍ରୀ ପି ଚିଦାମ୍ବରଙ୍କୁ ଦେଖି ପ୍ରତୀତ ହୁଏ । ଯେଉଁ ଇଡି ଓ ସିବିଆଇ ଦିନେ ଚିଦାମ୍ବରମଙ୍କ ଇସାରାରେ ନାଚୁଥିଲା । ତାଙ୍କ ନିର୍ଦ୍ଦେଶକୁ ଅପେକ୍ଷା ପୂର୍ବକ ନିର୍ଦ୍ଦେଶ ମିଳିବା ମାତ୍ରେ କାର୍ଯ୍ୟାନୁଷ୍ଠାନ ଗ୍ରହଣ କରୁଥିଲା । ତାଙ୍କୁ ପ୍ରତି ବିଷୟରେ ଟିକନିକ ଖବର ଦେଉଥିବା ଇଡି ଓ ସିବିଆଇ ଆଜି ତାଙ୍କ ପଛରେ ପଡିଯାଇଛି । ଆଇଏନଏକ୍ସ ମିଡିଆ ଦୁର୍ନୀତି ମାମଲାରେ ଛନ୍ଦି ହୋଇ ପଡିଛନ୍ତି ଚିଦାମ୍ବରମ ।