ଦୋକାନରେ ମାଛ ଏବଂ ପନିପରିବା ବିକ୍ରି କରୁଛନ୍ତି ଏହି ଅଭିନେତ୍ରୀ

(ମୁମ୍ବାଇ) : ଟିଭି ଅଭିନେତ୍ରୀ ଟିନା ଦତ୍ତା ଗତ କିଛି ଦିନ ହେବ ତାଙ୍କ ଇନଷ୍ଟାଗ୍ରାମ ଆକାଉଣ୍ଟରେ କ୍ରମାଗତ ଭାବରେ ନିଜର ଫଟୋ ସେୟାର କରିଆସୁଛନ୍ତି। ନିକଟରେ ସେ ଏପରି ଏକ ଫଟୋ ସେୟାର କରିଥିଲେ, ଯାହାକୁ ଦେଖିବା ପରେ ପ୍ରଶଂସକମାନେ ଆଶ୍ଚର୍ଯ୍ୟ ହୋଇଯାଇଛନ୍ତି । ସେୟାର ହୋଇଥିବା ଫଟୋରେ ଅଭିନେତ୍ରୀ ମାଛ ବଜାରରେ ମାଛ ବିକ୍ରି କରୁଥିବା ଦେଖିବାକୁ ମିଳିଛି। ଏହି ଫଟୋରେ ଟିନା ଏକ ହଳଦିଆ ସାଲୱାର ସୁଟରେ ଅତି ସାଧାରଣ ଝିଅଟିଏ ପରି ଦେଖାଯାଉଛନ୍ତି।

ସୂଚନାନୁଯାୟୀ ,ତେବେ ଏହି ଫଟୋ ଶେୟାର କରି ଟିନା ଦତ୍ତା କ୍ୟାପସନରେ ଲେଖିଛନ୍ତି, ‘କ’ଣ ଘଟୁଛି କିଏ ଅନୁମାନ କରିବାକୁ ଚାହୁଁବେ କି ?’ ମାଛ ବିକିବା ପରେ ଟିନା ଦତ୍ତା ଏହି ଫଟୋରେ ପନିପରିବା ବିକ୍ରି କରୁଥିବା ଦେଖାଯାଇଛି। ଟିନାଙ୍କ ଲୋକପ୍ରିୟତା ଛୋଟ ପରଦାରେ ଏବଂ ସୋସିଆଲ ମିଡିଆରେ ମଧ୍ୟ ଅଛି, ଏହାର କାରଣ ହେଉଛି ଟିନା ସୋସିଆଲ ମିଡିଆରେ ବହୁତ ସକ୍ରିୟ ଥାନ୍ତି।