ସାଲେପୁର/ଜ୍ୟୋସ୍ନା ରାଣୀ ସିଂହ : ହୃଦଘାତରେ ଚାଲିଗଲା ଯବାନଙ୍କ ଜୀବନ | କଟକ ସଦର ଅନ୍ତର୍ଗତ ଧରିଣା ଗ୍ରାମ ପଞ୍ଚାୟତ ତଥା ଧରିଣା ଗାଁର ପ୍ରଣବ ପ୍ରକାଶ ମହାଳି ଓରଫ୍ ବାପି ସିଆରପିଏଫ ଜବାନ ଭାବେ ମଣିପୁରରେ କାର୍ଯ୍ୟରତ ଥିବା ସମୟରେ ଗତ ଶୁକ୍ରବାର ରାତିରେ ହୃଦଘାତରେ ପରଲୋକ ଗମନ କରିଥିଲେ। ଗତକାଲି ରବିବାର ତାଙ୍କ ପାର୍ଥିବ ଶରୀରକୁ ଏକ ବିରାଟ ଶୋଭାଯାତ୍ରାରେ କନ୍ଦରପୁର ଠାରୁ ପାରାଵିଲ୍, କମରପଦା ଦେଇ ଯବାନଙ୍କ ଜନ୍ମମାଟି ଧରିଣାକୁ ନିଆଯାଇ ରାଷ୍ଟ୍ରୀୟ ସମ୍ମାନ ସହ ଗାର୍ଡ ଅଫ୍ ଅନର୍ ଦିଆଯିବା ପରେ ଶୋକାକୁଳ ପରିବେଶ ମଧ୍ୟରେ ଗ୍ରାମ୍ୟ ଶ୍ମଶାନରେ ଶେଷକୃତ୍ୟ ସମ୍ପନ୍ନ କରାଯାଇଥିଲା।
ଶଵ ଶୋଭାଯାତ୍ରାରେ ହଜାର ହଜାର ଲୋକ ସାମିଲ ହୋଇଥିବା ବେଳେ, ସ୍ଥାନୀୟ ସରପଞ୍ଚ ସମିତି ସଭ୍ୟ ପ୍ରମୁଖ ଯୋଗ ଦେଇ ଶୋକ ସନ୍ତପ୍ତ ପରିବାର ବର୍ଗଙ୍କୁ ଶାନ୍ତନା ଦେବା ସହ ସେଇ ଅମର ଆତ୍ମାର ଶରୀରରେ ପୁଷ୍ପମାଲ୍ୟ ପ୍ରଦାନ କରିଥିଲେ l କନ୍ଦରପୁର ଓ କିଶନନଗର ଥାନା ପୋଲିସ ଶୋଭାଯାତ୍ରାକୁ ଶୃଙ୍ଖଳିତ କରିଥିଲେ।