ପପ୍ ଗାୟିକା ଟେଲର୍ ସ୍ୱିଫ୍ଟଙ୍କୁ ଟାର୍ଗେଟ୍ କରିଛନ୍ତି ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍। ସେ ତାଙ୍କ ସୋସିଆଲ ମିଡିଆ ପ୍ଲାଟଫର୍ମରେ ଲେଖିଛନ୍ତି, “କେହି ଲକ୍ଷ୍ୟ କରିଛନ୍ତି କି ମୁଁ ଟେଲର ସ୍ୱିଫ୍ଟଙ୍କୁ ଘୃଣା କରିବା କଥା କହିବା ପରଠାରୁ, ସେ ଆଉ ହଟ୍ ହୋଇ ନାହାଁନ୍ତି ” । ଟ୍ରମ୍ପଙ୍କ ଏହି ମନ୍ତବ୍ୟ ମଧ୍ୟପ୍ରାଚ୍ୟର ତାଙ୍କ ବିଦେଶ ଯାତ୍ରା ସମୟରେ ଆସିଛି। ଟେଲର ସ୍ୱିଫ୍ଟ ୨୦୨୪ ରାଷ୍ଟ୍ରପତି ନିର୍ବାଚନରେ ଉପରାଷ୍ଟ୍ରପତି କମଲା ହାରିସଙ୍କୁ ସମର୍ଥନ କରିଥିଲେ। ନିର୍ବାଚନ ସମୟରେ ସ୍ୱିଫ୍ଟଙ୍କ ରାଜନୈତିକ ଦୃଷ୍ଟିକୋଣ ବିବାଦର କେନ୍ଦ୍ରବିନ୍ଦୁ ପାଲଟିଥିଲା। ବିଶେଷକରି ଯେତେବେଳେ ସେ ଡେମୋକ୍ରାଟିକ୍ ଟିକେଟ୍ ପାଇଁ ତାଙ୍କର ସମର୍ଥନ ଦେଇଥିଲେ।
ସେତେବେଳେ, ଡୋନାଲ୍ଡ ଟ୍ରମ୍ପ୍ ତାଙ୍କ ସମର୍ଥନକୁ ଖାରଜ କରିଦେଇଥିଲେ। ଏହା ପରେ ସେ ଲେଖିଥିଲେ, “ମୁଁ ଟେଲର ସ୍ୱିଫ୍ଟକୁ ଘୃଣା କରେ।” ସେ ଗାୟକ ବ୍ରୁସ୍ ସ୍ପ୍ରିଙ୍ଗଷ୍ଟିନଙ୍କୁ ମଧ୍ୟ ଟାର୍ଗେଟ୍ କରିଥିଲେ, ଯିଏ ସ୍ୱିଫ୍ଟଙ୍କ ପରି ହାରିସ୍ଙ୍କୁ ସାର୍ବଜନୀନ ଭାବରେ ସମର୍ଥନ କରୁଥିଲେ।