ଋିପୋଟର୍ସ ଟୁଡେ(ସୋମ୍ୟାଶ୍ରୀ ମହାନ୍ତି)– ତାମିଲନାଡୁ କାଂଚିପୁରମ ପାଖରେ ଥିବା ମଣମତୀ ଗ୍ରାମସ୍ଥିତ ଗାଙ୍ଗୀ ଆମ୍ମାନ ମନ୍ଦିର ନିକଟରେ ବିସ୍ପୋରଣ । ଏଥିରେ ୨ ଜଣଙ୍କର ମୃତ୍ୟୁ ହେବା ସହ ୪ ଜଣ ଗୁରୁତର ଆହତ ହୋଇଥିବା ଖବର ମିଳିଛି । ଗତକାଲି ସନ୍ଧ୍ୟା ବେଳେ ମନ୍ଦିରର ପୋଖରୀ ଓ ପରିସରକୁ ସଫା କରା ଯାଇଥିଲା । ସେଥି ମଧ୍ୟରୁ କେତେକ ଅଳିଆ ଆର୍ଜନାକୁ ବାହାରେ ଫୋପାଡି ଦିଆଯାଇଥିଲା । କିନ୍ତୁ ଲୋକେ ସେହି ଆବର୍ଜନାରେ କିଛି ରହସ୍ୟମୟ ଜିନିଷ ଦେଖବାକୁ ପାଇଥିଲେ । ଏହାକୁ କିଛି ଲୋକ ଜବରଦସ୍ତି ଖୋଲିବାକୁ ଚେଷ୍ଟା କରୁଥିବା ବେଳେ ହଠାତ ତାହା ବିସ୍ଫୋରଣ ହୋଇଥିଲା । ଘଟଣାସ୍ଥଳରେ ପୋଲିସ ଓ ବମସ୍କ୍ୱାଡ ପହଂଚି ମୃତାହତମାନଙ୍କୁ ଉଦ୍ଧାର କରିବା ସହ ଘଟଣାର ତଦନ୍ତ ଆରମ୍ଭ କରିଛନ୍ତି । ତେବେ ମନ୍ଦିରର ପୁଷ୍କରଣୀ ଭିତରକୁ ବୋମା କିଏ ଆଉ କିପରି ଆଣିଲା ତାହା ଏବେ ସମସ୍ତଙ୍କ ମନରେ ପ୍ରଶ୍ନବାଚୀ ସୃଷ୍ଟି କରିଛି ।
