ତେଲେଙ୍ଗାନା ପରେ ସମ୍ପୂର୍ଣ୍ଣ ଅନ୍‌ଲକ ହେଲା ଉତ୍ତରପ୍ରଦେଶ

(ଦିଲ୍ଲୀ) : ଉତ୍ତରପ୍ରଦେଶ ସଂପୂର୍ଣ୍ଣ ଭାବେ ଅନଲକ୍ ହେବ । ରବିବାର ବନ୍ଦ ମଧ୍ୟ ଶେଷ ହେବ । ଏ ସମ୍ପର୍କରେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ନିର୍ଦ୍ଦେଶ ଦେଇଛନ୍ତି । ଖୁବ ଶୀଘ୍ର ସରକାର ଏ ବାବଦରେ ବିସ୍ତୃତ ନିର୍ଦ୍ଦେଶନାମା ଜାରି କରିବେ । ୟୁପିରେ କୋଭିଡ -19 ସଂକ୍ରମଣର ନିୟନ୍ତ୍ରିତ ପରିସ୍ଥିତିକୁ ଦୃଷ୍ଟିରେ ରଖି ସରକାର ଏହି ନିଷ୍ପତ୍ତି ନେଇଛନ୍ତି ।

ସୂଚନାନୁଯାୟୀ , ଉତ୍ତରପ୍ରଦେଶରେ ୬ ରୁ ୮ ଶ୍ରେଣୀ ପର୍ଯ୍ୟନ୍ତ ବିଦ୍ୟାଳୟଗୁଡ଼ିକ ୨୩ ଅଗଷ୍ଟ ୨୦୨୧ ରୁ ଖୋଲାଯିବ । ସେହି ସମୟରେ, ୯ ରୁ ୧୨ ଶ୍ରେଣୀ ପାଇଁ, ଅଫଲାଇନ୍ କ୍ଲାସ୍ ୧୨ ଅଗଷ୍ଟ ୨୦୨୧ ରୁ ଆରମ୍ଭ ହୋଇଛି । ରାଜ୍ୟରେ କୋଭିଡ୍-19 ର ଅବସ୍ଥା ଖରାପ ହେଲେ ବିଦ୍ୟାଳୟଗୁଡ଼ିକ ପୁଣି ବନ୍ଦ ରହିବ ବୋଲି ୟୁପି ସରକାର ସ୍ପଷ୍ଟ କରିଛନ୍ତି । ସରକାର ଏହା ମଧ୍ୟ କହିଛନ୍ତି ଯେ ଛାତ୍ରଛାତ୍ରୀଙ୍କ ଉପସ୍ଥାନ ବାଧ୍ୟତାମୂଳକ ହେବ ନାହିଁ । ଏହିପରି ଛାତ୍ରମାନେ ଅନଲାଇନ୍ କ୍ଲାସରେ ଯୋଗଦେବାର ବିକଳ୍ପ ପାଇବେ ।ଅନେକ ଅଭିଭାବକ, ଶିକ୍ଷକ ଏବଂ ରାଜନୈତିକ ସଂଗଠନ ମଧ୍ୟ ଛାତ୍ରମାନଙ୍କ ପାଇଁ ଅଫଲାଇନ୍ କ୍ଲାସ୍ ପୁନଃଆରମ୍ଭ କରିବାକୁ ଦାବି କରିଛନ୍ତି ।