ନୂଆଦିଲ୍ଲୀ: ଦାଦା ସାହେବ ଫାଲକେ ପୁରସ୍କାର ଘୋଷଣା ହୋଇଛି । ବର୍ଷିୟାନ ଅଭିନେତ୍ରୀ ୱାହିଦା ରେହମାନ ପାଇବେ ଏହି ସମ୍ମାନଜନକ ଦାଦା ସାହେବ ଫାଲକେ ପୁରସ୍କାର ।ଏନେଇ ସୂଚନା ଓ ପ୍ରସାରଣ ମନ୍ତ୍ରାଳୟ ପକ୍ଷରୁ ଘୋଷଣା କରାଯାଇଛି । ଦାଦା ସାବେହ ଫାଲକେ ପୁରସ୍କାର ପାଇଁ ଓ୍ବାହିଦା ରେହମାନଙ୍କୁ ଚୟନ କରାଯାଇଛି । ଇନଫର୍ମେସନ ଓ ବ୍ରଡକାଷ୍ଟିଂ ମନ୍ତ୍ରୀ ଅନୁରାଗ ଠାକୁର ଆଓ୍ବାର୍ଡ ଘୋଷଣା କରିଛନ୍ତି ।
ୱାହିଦା ରେହମାନ ୩ ଫେବୃଆରୀ ୧୯୩୮ ମସିହାରେ ଭାରତର ତାମିନାଡୁରେ ଜନ୍ମଗ୍ରହଣ କରିଥିଲେ। ସେ ୧୯୭୨ରେ ପଦ୍ମଶ୍ରୀ ଓ ୨୦୧୧ ମସିହାରେ ପଦ୍ମ ଭୂଷଣରେ ସମ୍ମାନିତ ହୋଇଛନ୍ତି। ଅଭିନେତ୍ରୀ ସହ ନୃତ୍ୟଶିଳ୍ପୀ ଭାବେ ମଧ୍ୟ ୱାହିଦା ରେହମାନ ପରିଚିତ। ସେ ୯୦ରୁ ଅଧିକ ଚଳଚ୍ଚିତ୍ରରେ ଅଭିନୟ କରିଥିବା ବେଳେ ସିନେ ଜଗତରେ ପାଞ୍ଚ ଦଶନ୍ଧି ଧରି କାର୍ଯ୍ୟକରିଛନ୍ତି। ଗୋଟିଏ ଜାତୀୟ ଚଳଚ୍ଚିତ୍ର ପୁରସ୍କାର ସହ ୩ଟି ଚଳଚ୍ଚିତ୍ର ପୁରସ୍କାର ପାଇଛନ୍ତି।