ଯାଜପୁର: ପୁଣି ଜଣଙ୍କ ମୁଣ୍ଡ ନେଲା କୁମ୍ଭୀର । ଯାଜପୁର ବରୀ ବ୍ଲକ୍ ଆମଠପୁରରେ ଦେଖିବାକୁ ମିଳିଛି କୁମ୍ଭୀର ଆତଙ୍କ । ଲୁଗା ସଫା କରିବା ବେଳେ ମହିଳାଙ୍କୁ ଟାଣି ନେଲା କୁମ୍ଭୀର । ସୂଚନା ଅନୁଯାୟୀ, ଯାଜପୁର ଜିଲ୍ଲା ବରୀ ବ୍ଲକ ଆମଠପୁର ପଞ୍ଚାୟତ ଅନ୍ତର୍ଗତ ପାଲଟପୁର ଗ୍ରାମର ଅନାମ ଜେନାଙ୍କ ପତ୍ନୀ ଜ୍ୟୋତ୍ସ୍ନା ଜେନାଙ୍କୁ ବିରୂପା ନଦୀରେ ଟାଣିନେଇ ଖାଇଦେଇଛି କୁମ୍ଭୀର। ଜ୍ୟୋତ୍ସ୍ନା ନଦୀକୁ ଲୁଗା ସଫା ପାଇଁ ଯାଇଥିବା ବେଳେ କୁମ୍ଭୀର ଟାଣି ନେଇଥିଲା। ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ମହିଳାଙ୍କ ମୁଣ୍ଡ ଓ ଗୋଡ଼ ବିହୀନ ମୃତଦେହ ଉଦ୍ଧାର କରିଥିଲା।
ତେବେ ଏହି ଅଞ୍ଚଳରେ ଜଳର ସୁବିଧା ନ ଥିବାରୁ ଶହଶହ ଲୋକ ବିରୁପା ନଦୀ ଉପରେ ନିର୍ଭର କରନ୍ତି। ନିତିଦିନିଆ କାର୍ୟ୍ୟ ପାଇଁ ଏହି ନଇ ଉପରେ ସମସ୍ତେ ନିର୍ଭରଶୀଳ । ଏହି ଘଟଣାକୁ ନେଇ ଗ୍ରାମବାସୀ ଅସନ୍ତୋଷ ପ୍ରକାଶ କରିଛନ୍ତି। ବିରୂପା ନଦୀରେ କୁମ୍ଭୀର ଥିବା ନେଇ ବନ ବିଭାଗକୁ ବାରମ୍ବାର ଅବଗତ କରାଇଲେ ମଧ୍ୟ କୌଣସି ପଦକ୍ଷେପ ଗ୍ରହଣ କରଯାଇ ନାହିଁ।
