କରଞ୍ଜିଆ /ବସନ୍ତ କୁମାର ସୋରେନ : ହାତୀ ଆକ୍ରମଣରେ ଯୁବକ ଗୁରୁତର । କରଞ୍ଜିଆ ବନଖଣ୍ଡ ସାତକୋଶିଆ ରେଞ୍ଜ ଅନ୍ତର୍ଗତ ମହୁଲଡିହା ଥାନା ଧାତିକିଡିହା ଗାଁରେ ହାତୀ ଆକ୍ରମଣରେ ଜଣେ ଯୁବକ ଗୁରୁତର ଆହତ ହୋଇଛନ୍ତି । ଗୁରୁତର ଯୁବକ ଭଜ ମଢେଇ (୩୮) ଙ୍କୁ ପ୍ରଥମେ ୧୦୮ ଆମ୍ବୁଲାନ୍ସ ଯୋଗେ ଆନନ୍ଦପୁର ଡାକ୍ତରଖାନା ଓ ପରେ କଟକ ସ୍ଥାନାନ୍ତର କରାଯାଇଛି । ଭଜ ଆଜି ସକାଳୁ ସାଇକେଲ ଯୋଗେ ଗାଁ ନିକଟସ୍ଥ ପୋଖରୀ ନିକଟରୁ ଶୌଚ ହୋଇ ଫେରିବା ସମୟରେ ହାତୀ ସହ ସାମ୍ନାସାମ୍ନି ହୋଇଥିଲା । ହାତୀ ଟି ସାଇକେଲ ସହ ଭଜଙ୍କୁ ଟେକି କଚାଡି ଦେବାରୁ ସେ ଗୁରୁତର ଆହତ ହୋଇଥିଲେ ।
