କଣ୍ଟାବାଞ୍ଜି: ସାମ୍ବାଦିକଙ୍କୁ ହତ୍ୟା ଷଡଯନ୍ତ୍ର ଘଟଣା । ବଢିଛି ସବଜେଲର ଜେଲରଙ୍କ ଅଡୁଆ । ଉପକାରାଗାରର ଜେଲର ବିକାଶଲତା ବାରୁ ସାମ୍ବାଦିକଙ୍କୁ ମାରିଦେବାକୁ ଷଡଯନ୍ତ୍ର କରୁଥିବା ଭିଡିଓ ଭାଇରାଲ ପରେ ଏବେ ଆକ୍ସନ ମୋଡକୁ ଆସିଛି ଜେଲ ବିଭାଗ । ଲେଡି ଜେଲର ବିକାଶଲତା ବାରୁ ଏବଂ ଜଣେ ଓ୍ବେବ ପୋର୍ଟାଲ ସାମ୍ବାଦିକଙ୍କ ଅଡିଓ ଭାଇରଲ ହୋଇଥିଲା । ଅଡିଓରେ ସାମ୍ବାଦିକଙ୍କୁ ହତ୍ୟା ଷଡ଼ଯନ୍ତ୍ର କରାଯାଉଥିବା ସ୍ପଷ୍ଟ ଜଣାପଡୁଥିଲା । ଏନେଇ ଥାନାରେ ମାମଲା ହୋଇଥିବାବେଳେ ଜେଲ ଡିଜିଙ୍କ ନିର୍ଦ୍ଦେଶରେ ଏହି ଘଟଣାର ତଦନ୍ତ ଆରମ୍ଭ କରିଛନ୍ତି ସମ୍ବଲପୁର ରେଞ୍ଜ ଡିଆଇଜି । ଡିଆଇଜି କୁଳମଣି ବେହେରାଙ୍କ ନେତୃତ୍ୱରେ ଟିମ କଣ୍ଟାବାଞ୍ଜି ଯାଇ ତଦନ୍ତ ଆରମ୍ଭ ହୋଇଛି । ଏବେ ସୁଦ୍ଧା ଜେଲର, ଜେଲ କର୍ମଚାରୀ ଏବଂ ଅଭିଯୋଗକାରୀଙ୍କୁ ତଦନ୍ତର ପରିସରଭୁକ୍ତ କରାଯାଇଥିବା ବେଳେ ଜେଲର ସିସିଟିଭିକୁ ଯାଞ୍ଚ କରାଯିବ ବୋଲି କହିଛନ୍ତି ଡିଆଇଜି । ଏହା ସହ ଏନେଇ ଅଜି ଜେଲ ଡିଜିଙ୍କୁ ରିପୋର୍ଟ ଦିଆଯିବ ।
