ବାଲିପାଟଣା (ବିଦ୍ୟା ଭୂଷଣ ଭୋଳ ) : ଆଜି ଉତ୍କଳ ବିଶ୍ଵବିଦ୍ୟାଳୟ ଅଧିନସ୍ଥ ଆନ୍ତଃ ମହାବିଦ୍ୟାଳୟ ସ୍ତରୀୟ ମହିଳା କବାଡି ପ୍ରତିଯୋଗିତା ବାଳକାଟୀ କଲେଜ ପଡିଆରେ ଅନୁଷ୍ଠିତ ହୋଇଯାଇଛି | ଏହି ଟୁର୍ନାମେଣ୍ଟରେ ପିପିଲିକୁ 29-27 ପଏଣ୍ଟରେ ହରାଇ ବଳଙ୍ଗା ଚାମ୍ପିୟନ ହୋଇଛି |
ଟୁର୍ନାମେଣ୍ଟଟିରେ ଖୋର୍ଦ୍ଧା, ପୁରୀ,କଟକ ଜିଲ୍ଲାର ମୋଟ ଆଠଟି ଦଳ ଭାଗ ନେଇଥିଲେ | ବିଶ୍ୱବିଦ୍ୟାଳୟ କ୍ରୀଡା ପରିଷଦ ଆନୁକୂଲ୍ୟରେ ଆୟୋଜିତ ଓ ପ୍ରତାପ ଶାସନ ଡିଗ୍ରୀ କଲେଜ ଦ୍ୱାରା ପରିଚାଳିତ ଏହି ଟୁର୍ନାମେଣ୍ଟକୁ ବିଶିଷ୍ଟ ଶିକ୍ଷାବିତ ତଥା ପ୍ରସିଦ୍ଧ ସିନେ ବ୍ୟକ୍ତିତ୍ୱ ଡଃ ରଜନୀ ରଞ୍ଜନ ଦାଶ ମୁଖ୍ୟଅତିଥି ଭାବେ ଯୋଗଦେଇ ଟୁର୍ନାମେଣ୍ଟକୁ ଉଦଘାଟନ କରିଥିଲେ | କାର୍ଯ୍ୟକ୍ରମରେ କାର୍ଯକାରୀ ଅଧକ୍ଷ ଚନ୍ଦ୍ରଧ୍ଵଜ ନନ୍ଦ ସଭାପତି ଭାବେ ସଭା ପରିଚାଳନା କରିଥିଲେ | ଟୁର୍ନାମେଣ୍ଟରେ ବାଙ୍କୀ କଲେଜ,ବିଜେବି କଲେଜ, ବଳଙ୍ଗା କଲେଜ, ପିପିଲି କଲେଜ, କଣାସ ଗାଦିବ୍ରହ୍ମ, ନିମାପଡା କଲେଜ, ଏ ସି ଏ ଏସ କଲେଜ ପୁରୀ, ସ୍ଟଆର୍ଟ କଲେଜ କଟକ ଆଦି ଯୋଗ ଦେଇଥିଲେ | ଉତ୍କଳ ବିଶ୍ୱବିଦ୍ୟାଳୟ ତରଫରୁ ପର୍ଯ୍ୟବେକ୍ଷକ ଭାବେ ଡଃ ପ୍ରବୀର କୁମାର ମହାନ୍ତି ଓ ନୀଳକଣ୍ଠ ମିଶ୍ର ପ୍ରମୁଖ ଟିମ ଉପସ୍ଥିତ ରହି ଖେଳଳୀ ଚୟନ କରିଥିଲେ | ବାଳକାଟୀ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ତରଫରୁ ଆଶୁ ଚିକିତ୍ସା ଯୋଗେଇ ଦେଇଥିଲେ | ଖେଳକୁ ତ୍ରିନାଥ ସାମନ୍ତରାୟ ଓ ତାଙ୍କ ଟିମ ରେଫରୀ ଭାବେ ଯୋଗଦେଇ ଖେଳ ପରିଚାଳନା କରିଥିଲେ | ଟୁର୍ନାମେଣ୍ଟକୁ କଲେଜର ସମସ୍ତ. କର୍ମଚାରୀ ଓ ଛାତ୍ରଛାତ୍ରୀ କାର୍ଯ୍ୟକ୍ରମକୁ ପରିଚାଳନା କରିଥିଲେ |