ରାଜଧାନୀରେ ମର୍ମନ୍ତୁଦ ସଡ଼କ ଦୁର୍ଘଟଣା
କାରକୁ ପିଟିଲା ବୁଲେଟ୍। ଦୁର୍ଘଟଣାରେ ଦୁଇ ଶିଶୁ ଗୁରୁତର। ସିସିଟିଭିରେ କଏଦ୍ ହେଲା ଦୁର୍ଘଟଣା ବେଳର ଛାତିଥରା ଦୃଶ୍ୟ
ଭୁବନେଶ୍ୱର : ଚନ୍ଦ୍ରଶେଖରପୁର ଥାନା ଅନ୍ତର୍ଗତ ନୀଳାଦ୍ରି ବିହାର ହନୁମାନ ମନ୍ଦିର ରାସ୍ତାରେ ଘଟିଛି ଦୁର୍ଘଟଣା | ଏହି ଦୁର୍ଘଟଣାରେ ଦୁଇ ଶିଶୁ ସମେତ ଜଣେ ବାଇକ୍ ଆରୋହି ଗୁରୁତର ହୋଇଛନ୍ତି। ସୂଚନା ଅନୁସାରେ OD02BN7957 ନମ୍ବର୍ ଥିବା ନାଲି ରଙ୍ଗର କାର୍ ରାସ୍ତାରେ ଟର୍ଣିଂ କାଟିବା ପାଇଁ ଠିଆ ହୋଇଥିବା ବେଳେ ସେହି ରାସ୍ତାରେ ଦୃତ ଗତିରେ ଆସୁଥିବା OD02BX2081 ବୁଲେଟ୍ କାର୍ କୁ ଶକ୍ତ ଧକ୍କା ଦେଇଥିଲା। ଫଳରେ ଗାଡ଼ିରେ ବସିଥିବା ଦୁଇ ଶିଶୁ ସମେତ ମାମୁଁ ଛିଟିକି ପଡ଼ିଥିଲେ।
ଖବର ପାଇ ସ୍ଥାନୀୟ ଚନ୍ଦ୍ରଶେଖରପୁର ଥାନା ପୁଲିସ୍ ଏବଂ ପିସିଆର୍ ପହଞ୍ଚି ଗାଡ଼ି ଜବତ୍ କରିବା ସହ ଗୁରୁତ୍ତର ଆହାତ ମାନଙ୍କୁ ମେଡିକାଲ୍ ପଠାଇ ଥିଲେ। ଦୁଇ ଶିଶୁଙ୍କ ଜୀବନ ସଙ୍କଟାପନ୍ନ ଥିବା ବେଳେ ଏହି ଛାତିଥରା ଘଟଣାର ସମସ୍ତ ଦୃଶ୍ୟ ସିସିଟିଭି ରେ ହୋଇଛି କଏଦ୍।