(ଅନୁସ୍ୱୟା)ଭୁବନେଶ୍ୱର: ପୋଖରୀରେ ବୁଡ଼ି ଦୁଇ ଭାଇଙ୍କର ମୃତ୍ୟୁ ହୋଇଛି । ଏଭଳି ଏକ ଅଭାବନୀୟ ଘଟଣା କେନ୍ଦ୍ରାପଡ଼ା ଜିଲ୍ଲା ଆଳି ଥାନା ଅନ୍ତର୍ଗତ ଲୋକାପଡ଼ା ଗାଁରେ ଘଟିଛି । ଆଜି ସକାଳେ ଦୁଇ ଆବୁ ବକାର ଖାନ୍ ଓ ଫରାନ୍ ଖାନ୍ ଖେଳୁଥିବା ବେଳେ ନିକଟସ୍ଥ ଏକ ପୋଖରୀରେ ବୁଡ଼ି ଯାଇଥିଲେ । ସେମାନଙ୍କୁ ବହୁ ଖୋଜା ଖୋଜି କରିବା ପରେ ନ ମିଳିବାରୁ ପୋଖରୀରେ ଖୋଜା ଯାଇଥିଲା । ତେବେ ସେମାନଙ୍କୁ ସ୍ଥାନୀୟ ଲୋକ ପୋଖରୀରୁ ଉଦ୍ଧାର କରିଥିଲେ । ଏହା ପରେ ଦୁଇ ଶିଶୁଙ୍କୁ ତୁରନ୍ତ ଆଳି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଥିଲା । ମାତ୍ର ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଛନ୍ତି । ଦୁଇ ଶିଶୁଙ୍କ ଅକାଳ ବିୟୋଗ ପରେ ଗାଁରେ ଶୋକର ଛାୟା ଖେଳି ଯାଇଛି। ଦୁଇ ଜଣ ସମ୍ପର୍କୀୟ ଭାଇ ହେବେ ବୋଲି ଜଣାପଡ଼ିଛି ।
