(ପ୍ରିୟଦର୍ଶନୀ ସ୍ୱାଇଁ) ମୁମ୍ବାଇ : ବଲିଉଡ୍ର ଦବଙ୍ଗ ସଲମାନ୍ ଖାନ୍ ଏକା ସାଙ୍ଗରେ ୪ଟି ରେଞ୍ଜ୍ ରୋଭର କାର୍ କିଣି ଚର୍ଚ୍ଚାରେ ରହିଛନ୍ତି । ଗୋଟେ ଗାଡ଼ିର ଦାମ୍ ୫୦ଲକ୍ଷ ଟଙ୍କା ରହିଥିବା ବେଳେ ଏକା ସାଙ୍ଗରେ ୪ଟି କାର୍ ସଲମାନ୍ କ’ଣ ପାଇଁ କିଣିଲେ, ତାହା ସମସ୍ତଙ୍କ ମନରେ ପ୍ରଶ୍ନବାଚି ସୃଷ୍ଟି କରିଛି । ତେବେ ୪ଟି କାର୍ ମଧ୍ୟରୁ ସଲମାନ ଗୋଟେ ନିଜ ପାଇଁ କିଣିଛନ୍ତି ଏବଂ ଅନ୍ୟ ୩ଟି କାର୍ ସେ ଉପହାରରେ ଦେବା ପାଇଁ କିଣିଥିବା କହିଛନ୍ତି । ସଲମାନ୍ ଗୋଟେ କାର୍ ଭାଇ ଆରବାଜ୍, ଗୋଟେ କାର୍ ଭଉଣୀ ଅର୍ପିତା ଏବଂ ଗୋଟେ କାର୍ ତାଙ୍କ ସହ-କଳାକାର କ୍ୟାଟ୍ରିନା କୈଫ୍ଙ୍କୁ ଉପହାରରେ ଦେଇଥିବା ଜଣା ପଡ଼ିଛି। କ୍ୟାଟ୍ରିନା ସଲମାନଙ୍କୁ ଅସୁବିଧା ସମୟରେ ସାହାଯ୍ୟ କରିଥିବାରୁ, ତାଙ୍କୁ ଏହି ଉପହାର ଦେଇଛନ୍ତି ବୋଲି କହିଛନ୍ତି ସଲମାନ୍ । ପ୍ରଥମେ ଫିଲ୍ମ ‘ଭାରତ’ ପାଇଁ ପ୍ରିୟଙ୍କା ଚୋପ୍ରାଙ୍କୁ ମନୋନିତ କରାଯାଇଥିବା ବେଳେ ପରେ ସେ ଫିଲ୍ମ କରିବାକୁ ମନା କରି ଦେଇଥିଲେ । ଯାହା ପରେ ସଲମାନ ଫିଲ୍ମର ଅଫର କ୍ୟାଟ୍ରିନାଙ୍କୁ ଅଫର କରିଥିଲେ । କ୍ୟାଟ୍ରିନା ତୁରନ୍ତ ହଁ କହିବା ସହ ସଲମାନଙ୍କ ଚିନ୍ତା ଦୂର ଦୂର କରିଥିଲେ । କେବେଳ ସେତିକି ନୁହେଁ ସଲମାନ୍ଙ୍କ ପାଇଁ ସେ ‘ଏବିସିଡି-୩’ ଫିଲ୍ମ ମଧ୍ୟ ଛାଡ଼ି ଦେଇଛନ୍ତି । କ୍ୟାଟ୍ରିନା ଏତେ ସବୁ କରିବା ପରେ ସଲମାନ ତାଙ୍କୁ ଧନ୍ୟବାଦ୍ ଜଣାଇବା ପାଇଁ ଏହି ଉପହାର ଦେଇଥିବା ଜଣା ପଡ଼ିଛି ।
