ଜଗତସିଂହପୁର/ଦିଲ୍ଲିପ ସାହୁ ରିପୋଟସ୍ : କୁଜଙ୍ଗ ପଙ୍କପାଳ ଛକ ନିକଟରେ କାର-ବାଇକ ଦୁର୍ଘଟଣା । ଜଣେ ମୃତ, ଦୁଇଜଣ ଗୁରୁତର। ବାଇକରେ ଯାଉଥିଲେ ବାପା, ମା ଓ ପୁଅ । ମାଙ୍କର ମୃତ୍ୟୁ ହୋଇଥିବା ବେଳେ ଗୁରୁତର ବାପ ପୁଅଙ୍କୁ ପ୍ରଥମେ ମଣିଜଙ୍ଗା ସ୍ବାସ୍ଥ୍ୟକେନ୍ଦ୍ର ଓ ପରେ କଟକ ସ୍ଥାନାନ୍ତର କରାଯାଇଛି । ମୃତକଙ୍କ ଘର ସ୍ଥାନୀୟ ଜହ୍ନାପାଳ ଗ୍ରାମର ବୋଲି ଜଣା ପଡିଛି। ଗ୍ରାମବାସୀଙ୍କ ପକ୍ଷରୁ କଟକ- ପାରାଦ୍ଵୀପ ରାସ୍ତା ଅବରୋଧ କରାଯାଇଥିବା ବେଳେ ଘଟଣାସ୍ଥଳରେ କୁଜଙ୍ଗ ପୋଲିସ ପହଞ୍ଚି ବୁଝାସୁଝା କରୁଛି।
ସକାଳେ ଜହ୍ନାପାଳ ଗ୍ରାମର ସୁମନ୍ତ ବେହେରା ଓ ତାଙ୍କ ପତ୍ନୀ ଝିଲ୍ଲି ମାଝୀ ପୁଅ ଆୟୁସ ବେହେରା (5)କୁ ସ୍କୁଲରେ ଛାଡିବା ପାଇ ବାଇକରେ ଯାଉଥିଲେ। ତେବେ ବିପରିତ ଦିଗରୁ ଆସୁଥିବା ଏକ କାରର ଆଗ ଚକା ଫାଟି ଯିବାରୁ କାରଟି ଭାରସାମ୍ୟ ହରାଇ ବାଇକକୁ ଧକ୍କା ଦେଇଥିଲା। ବାଇକରେ ଥିବା ବାପ ,ମା ଓ ପୁଅ ଛିଟିକି ପଡିଥିଲେ। ସମସ୍ତଙ୍କୁ ମଣିଜଙ୍ଗା ସ୍ବାସ୍ଥ୍ୟକେନ୍ଦ୍ର ନିଆଯାଇଥିଲେ ମଧ୍ୟ ଡାକ୍ତର ଝିଲ୍ଲି ମାଝିଙ୍କୁ ମୃତ ଘୋଷଣା କରିଥିଲେ।
ଛୋଟ ପୁଅର ମୁଣ୍ଡରେ ଗଭୀର ଆଘାତ ଲାଗିଥିବା ବେଳେ ବାପାର ଗୋଡ ଓ ହାତରେ ଗଭୀର ଆଘାତ ଲାଗିଛି। ଗ୍ରାମବାସୀ ଖବର ପାଇବା ପରେ କଟକ-ପାରାଦ୍ବୀପ ରାସ୍ତା ଅବରୋଧ କରାଯାଇଛି। ପୋଲିସ କାରକୁ ଜବତ କରିବା ସହିତ ଲୋକଙ୍କ ସହିତ ଆଲୋଚନା ଜାରି ରଖିଛି।