ବସ୍ତା (ଅଜିତ କୁମାର ସାହୁ): ଛେଳି ଚୋରକୁ ନିର୍ଧୁମ ଛେଚିଲେ ଓ ବେକରେ ଜୋତାମାଳ ପିନ୍ଧାଇ ଗାଁ ଦାଣ୍ତରେ ବୁଲାଇଲେ ଲୋକେ । ଯାହାର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ସୂଚନା ମୁତାବକ ବାଲେଶ୍ବର ଜିଲ୍ଲା ବସ୍ତା ଥାନା ସାନଖୁଡି ଗ୍ରାମର କରୁଣାକର ଦାସ ସେହି ଗ୍ରାମର ବଂଶୀଧର ଦାସଙ୍କ ଘରୁ ଗତକାଲି ଅପରାହ୍ନରେ ଏକ ଛେଳି ଚୋରି କରିଥିଲେ । କୌଣସି ସୂତ୍ରରୁ ଖବର ପାଇ ବଂଶୀଧର ଏବଂ ତାଙ୍କ ପୂଅ ବାପି କରୁଣାକରଙ୍କୁ କାବୁ କରି ଗାଁ ଲୋକଙ୍କୁ ଡକାଇ ଏକ ବୈଠକ କରିଥିଲେ, ତେବେ କରୁଣାକର ଛେଳି ଚୋରି କରିଥିବା ସାବ୍ଯସ୍ତ ହୋଇଥିଲେ ।
ଉତ୍ଯକ୍ତ ଗ୍ରାମର ମହିଳା ଓ ପୁରୁଷ ଏକଜୁଟ ହୋଇ କରୁଣାକରଙ୍କୁ ନିର୍ଧୁମ ଛେଚିବା ସହ ବେକରେ ଜୋତା ମାଳ ପକାଇ ଗାଁ ଦାଣ୍ତରେ ବୁଲାଇବା ସହ ବସ୍ତା ଥାନାକୁ ନେଇଥିଲେ ।ଅଭିଯୋଗକୁ ଭିତ୍ତି କରି ବସ୍ତା ପୋଲିସ ଘଟଣାର ତଦନ୍ତ କରୁଥିବା ଜଣା ପଡିଛି , ତେବେ ଏନେଇ ପୋଲିସ କିମ୍ବା ଗ୍ରାମବାସୀଙ୍କ ପକ୍ଷରୁ କୌଣସି ପ୍ରତିକ୍ରିୟା ମିଳିପାରିନି।