ବ୍ୟୁରୋ: ହାୱାଇ ଜଙ୍ଗଲରେ ଭୟଙ୍କର ଅଗ୍ନି କାଣ୍ଡରେ ଗଲାଣି ୩୬ଜଣଙ୍କ ଜୀବନ । ମାଉଇର ହାୱାଇନ ଆଇଲ୍ୟାଣ୍ଡରେ ବଢିବାରେ ଲାଗିଛି ନିଆଁ । ଆଇଲ୍ୟାଣ୍ଡର ମୁଖ୍ୟ ପର୍ଯ୍ୟଟନ ସହର ଲାହାଇନା ଜଙ୍ଗଲରେ ଭୟଙ୍କର ନିଆଲାଗିଛି । ବାତ୍ୟାରେ ଭୀଷଣ ପବନ ଯୋଗୁ ଭୟଙ୍କର ହେବାରେ ଲାଗିଛି ଅଗ୍ନିକାଣ୍ଡ । ଏଥିରେ ଅନେକ ଲୋକ ଘର ଛାଡିଥିବା ବେଳେ ପ୍ରଶାଦନ ପକ୍ଷରୁ ସର୍ଚ୍ଚ ରେସକ୍ୟୁ ଅପରେସନ ଚଳାଇଛି । ଆଶ୍ରୟ ସ୍ଥଳୀରେ ବହୁ ଲୋକଂକୁ ସ୍ଥାନାନ୍ତର କରାଯାଇଛି । ପର୍ଯ୍ୟଟକଙ୍କୁ ଲାହାଇନା ସହରକୁ ଆସିବାକୁ ବାରଣ କରାଯାଇଛି। ହେଲିକପ୍ଟର ସାହାଯ୍ୟରେ ନିଆଁ ଲିଭା ଯାଉଛି । ଏହି ଅଗ୍ନି କାଣ୍ଡରେ ଘର, ବ୍ୟବସାୟ, ସର୍ଭିସ ତଥା ମାଉଇ ଦ୍ୱୀପରେ ରହୁଥିବା ୩୫,୦୦୦ ରୁ ଅଧିକ ଲୋକ ପ୍ରଭାବିତ ହୋଇଛନ୍ତି। ରାଜ୍ୟ ଏଜେନ୍ସି କହିଛି ଯେ ଏହି ଅଗ୍ନିକାଣ୍ଡରେ ୨,୦୦୦ ଏକରରୁ ଅଧିକ ଜଳିଯାଇଛି। ତେବେ ସେହି ଅଞ୍ଚଳକୁ ରେଡ ଜୋନରେ ଘୋଷଣା କରାଯାଇଛି । ଏହା ବ୍ୟତୀତ ବିଗ ଆଇଲ୍ୟାଣ୍ଡ ଏବଂ ମାଉଇରେ ଭୟଙ୍କର ନିଆଁ ଜଳୁଛି। ଭୟଭୀତ ଲୋକମାନେ ଭୟଙ୍କର ନିଆଁରୁ ରକ୍ଷା ପାଇବା ପାଇଁ ସମୁଦ୍ରକୁ ଡେଇଁ ପଡିଛନ୍ତି। ସେହି ସହରରେ ୨୭୦ରୁ ଅଧିକ କୋଠା କ୍ଷତିଗ୍ରସ୍ତ ହୋଇଯାଇଛି ।