ରାୟଗଡ଼ା: ରାୟଗଡା ଜିଲ୍ଲା ଅବକାରୀ ବିଭାଗ କୁ ମିଳିଛି ବଡ ସଫଳତା । ଆରକ୍ଷୀ ଅଧୀକ୍ଷକ ଅଭିରାମ ବେହେରାଙ୍କ ନିର୍ଦ୍ଦେଶ କ୍ରମେ ଅବକାରୀ ରେଞ୍ଜ କାର୍ୟ୍ୟାଳୟ ପକ୍ଷରୁ ସ୍ଥାନୀୟ କସ୍ତୁରୀନଗରରେ ଚଢାଉ କରାଯାଇ ୪୫ ଲିଟର ନକଲି ବିଦେଶୀ ମଦ ଜବତ କରି ଜଣେ ଅଭିଯୁକ୍ତ କୁ ଗିରଫ କରି କୋର୍ଟ ଚାଲାଣ କରାଯାଇଛି। ସୂଚନା ଅନୁଯାୟୀ, ଆଜି ବିଶ୍ଵସ୍ତ ସୂତ୍ର ରୁ ଖବରପାଇ ଅବକାରୀ ଇନ୍ସପେକ୍ଟର ସୀମା କିରଣ ବେକଙ୍କ ନେତୃତ୍ଵରେ ଏକ ଟିମ୍ କସ୍ତୁରିନଗର ତୃତୀୟ ଲାଇନ୍ ରେ ରହୁଥିବା ରତ୍ନାଲୁଙ୍କ ଘରେ ଚଢାଉ କରିଥିଲା । ଚଢ଼ାଉ ବେଳେ ତାଙ୍କ ଘରୁ ୪୦ଟି ନକଲି ମଦ ବୋତଲ, ରୟାଲ ଗ୍ରୀନ୍ ୨୦ଟି ବୋତଲ ଏବଂ ୪୫୦ ଏମଏଲର ବେଲାଡାନା ହୋମିଓପାଥିକ ତରଳ ପଦାର୍ଥ ୭୬ଟି ବୋତଲ ଜବତ ହୋଇଥିଲା। ଏଥି ସହିତ ୫୨୩ଟି ଠିପି ମଧ୍ୟ ଜବତ ହୋଇଛି। ନକଲି ବିଦେଶୀ ମଦ କାରବାର କରୁଥିବାରୁ ରତ୍ନାଲୁଙ୍କୁ ଗିରଫ କରାଯାଇଥିଲା। ଏନେଇ ଅବକାରୀ ଥାନାରେ ୮୬/୨୩ରେ ଏକ ମାମଲା ରୁଜୁ କରାଯାଇ ତାଙ୍କୁ କୋର୍ଟ ଚାଲାଣ କରାଯାଇଥିବା ସୀମା କିରଣ ସୂଚନା ଦେଇଛନ୍ତି । ଏହି ଚଢ଼ାଉରେ ଏସ.ଆଇ କିଶୋରଚନ୍ଦ୍ର ରଥ, ସଂଜୟ ପ୍ରଧାନ, ଏ.ଏସ.ଆଇ କେ.ଭାସ୍କର, ରାଶି ନାୟକ ଓ ସଂଗ୍ରାମ ପ୍ରଧାନଙ୍କ ସମେତ କନେଷ୍ଟବଳ ମାନେ ସାମିଲ ଥିଲେ ।
